پاکستان اورآئی ایم ایف کے درمیان براہ راست قرض کے معاملے پر گزشتہ روز مذاکرات میں پیشرفت ہوئی ہے۔
میڈیا رپورٹس میں کہا جا رہا ہے کہ وزارت خزانہ اور دفترخارجہ کے امریکا اور دیگر ممالک سے رابطوں میں پیشرفت ہوئی ہے، جس کے بعد اب وزیر خارجہ و وزیر خزانہ نے آئی ایم ایف کی مشکل شرائط پر دوست ممالک سے مدد کی درخواست کی ہے۔
گزشتہ روز مذاکرات میں وقفے وقفے سے وزیرخزانہ بھی شریک ہوئے جب کہ مذاکرات میں رواں سال بیرونی فنانسگ 7 ارب ڈالرکے بجائے 6 ارب ڈالر کرنے پر اتفاق کر لیا گیا ہے۔
ذرائع ابلاغ کا دعویٰ ہے کہ چین سے 2 ارب ڈالر رول اوور کرنے پر بھی بات ہوئی ہے اور چین کی طرف سے 80 کروڑ بھی جلد ملنے کی یقین دہانی کروائی گئی ہے۔
اسٹیٹ بینک اور آئی ایم ایف حکام ترمیم شدہ ایم ای ایف پی پر بات کرچکے ہیں، اگلے دو روز میں وزارت خزانہ اور آئی ایم ایف ترمیم شدہ ایم ای ایف پی تیارکریں گے، نئی ایم ای ایف پی میں گردشی قرض میں کمی کا شیڈول شامل کرنے کا امکان ہے۔
دوسری جانب وزارت خزانہ نے ایک مرتبہ پھر آئندہ دو روز میں اسٹاف لیول معاہدے کے لیے امید ظاہر کی ہے۔
- Featured Thumbs
- https://www.siasat.pk/data/files/s3/shehbaz-saha.jpg
