مشہور ویٹ لفٹر طلحہ طالب اور کوہ پیما شہروز کاشف سے لاکھوں کا فراڈ ہوگیا

ملک کے 2 قومی ہیروز جنہوں نے ملک کا نام روشن کیا وہ دھوکے بازوں کے ہاتھوں فراڈ کا شکار ہوکر لاکھوں روپے سے محروم ہوگئے ہیں۔

خبررساں ادارے کی رپورٹ کے مطابق ٹوکیو اولمپکس میں بہترین کارکردگی دکھانے والے ویٹ لفٹر طلحہ طالب اور ماؤنٹ ایورسٹ، کے ٹو کی چوٹیاں سر کرنے والے شہروز کاشف کو ایک شخص نے سرکاری اہلکار بن کر گاڑی کی رجسٹریشن اور ٹیکس کی مد میں لاکھوں کا چونا لگادیا ہے۔

رپورٹ کے مطابق جعل ساز نے خود کو وفاقی وزیر کا پی اے بتایا اور گاڑی کی رجسٹریشن ، ٹیکس کی مد میں بھاری رقم موبائل اکاؤنٹ میں جمع کروانے کا کہا ، وفاقی وزیر کا نام سن کر دونوں قومی ہیروز نے لاکھوں روپے جعل سازوں کے اکاؤنٹ میں ٹرانسفر کردیئے۔

شہروز کاشف نے واقعہ سے متعلق گفتگو کرتے ہوئے کہا کہ کسی شخص نے جعلی پی اے بن کر فون کیا جس کی باتوں میں آکر ہم نے 2لاکھ 85 ہزار کی رقم اس کے اکاؤنٹ میں جمع کروادی۔

شہروز کاشف نے فراڈ کا شکار ہونے کے بعد وفاقی تحقیقاتی ایجنسی (ایف آئی اے) میں شکایت درج کروادی ہے جبکہ طلحہ طالب نے بھی مقدمہ درج کرنے کی درخواست دی ہے۔

واضح ہو کہ شہروز کاشف ماؤنٹ ایورسٹ اور کے ٹو(8611) سر کرنے وال دنیا کے کم عمر ترین کوہ پیما ہیں جبکہ طلحہ طالب نے ٹوکیو اولمپکس میں ویٹ لفٹنگ کے مقابلوں میں پانچویں پوزیشن حاصل کی تھی۔

ملک کا نام روشن کیے جانے پر وزیراعلی پنجاب عثمان بزدار نے طلحہ طالب کیلئے 20 لاکھ اور شہروز کاشف کیلئے 10 لاکھ روپے نقد انعام کا اعلان بھی کیا تھا۔

 

[The wizard]

It's happen when u approach third party Pakistan b seedha tareeka sy kam ni krta system zaroor complex aur slow hai lakin kaam hojata third party ko approach Krny sy mostly nuqsaan hota

 

[HSiddiqui]

It's their fault, they deposited in some private person's account a huge amount that he asked without any investigation either this is a false report if not they are to be blamed. Scammers do not care who you are, they are in the market to rip people for money, you falled prey blame yourself.