شاہ سے زیادہ شاہ کے وفاداروں کے لیے یہ مقام عبرت ہے،مریم نوازشریف کے چہرے پر کتنا تکبر ہے: سوشل میڈیا صارف
چیف آرگنائزر وسینئر نائب صدر مسلم لیگ ن مریم نوازشریف کی طرف سے حنا پرویز بٹ کو نظرانداز کیے جانے پر سوشل میڈیا پر ایک نئی بحث کا آغاز۔ سینئر صحافی علینا شگری نے سماجی رابطوں کی ویب سائٹ ایکس (ٹوئٹر) پر ایک ویڈیو شیئر کی جس میں قائد ن لیگ میاں محمد نوازشریف سمیت دیگر لیگی قائدین لاہور چیمبر آف کامرس اینڈ انڈسٹری کے عہدیداروں سے باہر آرہے ہیں۔ مریم نوازشریف نے قریب کھڑی حنا پرویز کو نظرانداز کرتے ہوئے پاس سے گزر گئیں۔
علینہ شگری نے ویڈیو شیئر کرتے ہوئے لکھا کہ: جس طرح سے حنا پرویز بٹ نے اس تمام عرصے میں اپنی پارٹی کو سپورٹ کیا ہے، کم از کم وہ تو تعریف اور احترام کی مستحق ہیں!
علینہ شگری کی طرف سے ویڈیو شیئر کیے جانے کے بعد حنا پرویز بٹ نے انہیں اپنے ٹوئٹر اکائونٹ سے بلاک کر دیا جس پر علینہ شگری نے لکھا کہ: لفٹ مریم نواز شریف نے نہیں کروائی، سیلفی نواز شریف نے نہیں لی، بلاک مجھے کیوں کیا گیا؟
ایک سوشل میڈیا صارف یسریٰ نے مریم نواز، مریم اورنگزیب اور حنا پرویز کی تصویر شیئر کرتے ہوئے لکھا: افسوس، اتنی بستی! جب حنا پرویز بٹ جو مریم ون اور ٹو کی آئو بھگت کرتے نہیں تھکتی، اس کی یہ حیثیت ہے پارٹی میں تو ن لیگ کے ووٹر کی کیا اوقات!
عدیل اظہر نے علینہ شگری کی ویڈیو کے ردعمل میں لکھا کہ: شاہ سے زیادہ شاہ کے وفاداروں کے لیے یہ مقام عبرت ہے، لیکن میرے خیال میں مریم نوازشریف کے ساتھ سیلفی لینے کے خواہش مند کے ساتھ زیادہ برا ہوا ہے۔ مریم نوازشریف کے چہرے پر کتنا تکبر ہے!
عمیر جٹالہ نے لکھا کہ: مسلم لیگ میں اقربا پروری کرنے والوں نے پارٹی کیلئے محنت کرنے والوں کی خدمات کے اعتراف سے روک دیا ہے۔ میں حنا پرویز بٹ کے نہیں بلکہ پارٹی کے دوسری سینئر رہنمائوں کے ساتھ ہونے والے سلوک کی بات کر رہا ہوں جنہوں نے نوازشریف کو نوازشریف بنایا۔
ڈاکٹر شازیہ نے لکھا کہ: حنا پرویز بٹ نے ایک کرپٹ پارٹی کی حمایت کی جو لوگوں کو بلیک میل کرتی ہے، ایک ایسی پارٹی کو جو پاکستان کے غریب عوام کی مدد کرنے کے بجائے اپنی آف شور کمپنیوں اور برانڈڈ چیزیں خریدنے کے لیے میں پیسے جمع کرتی ہے!
عمیر خان نے لکھا کہ: حنا پرویز بٹ کو ایسے نظرانداز کیا گیا جیسے کہ وہ وہاں موجود ہی نہیں تھی، حنا پرویز کے ساتھ بہت برا ہوا، ہم آپ کے ساتھ آپ کے غم میں برابر کے شریک ہیں!
- Featured Thumbs
- https://www.siasat.pk/data/files/s3/14hinananbauttazarandaz.png
