لندن: شریف فیملی کے ارکان کو لندن میں نامعلوم افراد کی طرف سے پرتشدد حملے کا خطرہ ظاہر کیا گیا ہے۔
میٹ پولیس نے شریف فیملی کو اس خطرے سے آگاہ کیا ہے۔ ویسٹ مڈلینڈز پولیس نے لندن کی میٹرو پولیٹن پولیس کو ممکنہ حملے کے بارے میں مطلع کیا، جس کی اطلاع انٹیلی جنس مانیٹرنگ سسٹم سے حاصل ہوئی تھی۔
اسکاٹ لینڈ یارڈ کے افسران نے ایون فیلڈ فلیٹ میں جا کر شریف فیملی کے ارکان کو اس خطرے کے بارے میں بتایا اور ان سے چوکنا رہنے اور آنے-جانے میں احتیاط برتنے کی ہدایت کی ہے۔
یاد رہے کہ دو ہفتے قبل، گلفام حسین کو پولیس نے ایون فیلڈ کے باہر سے گرفتار کیا تھا، جس کے بعد اسے فلیٹس کے قریب آنے سے منع کیا گیا تھا۔ تاہم، ذرائع کے مطابق، گلفام حسین کی گرفتاری کا ویسٹ مڈلینڈز پولیس کے اس انتباہ سے کوئی تعلق نہیں ہے۔
شریف خاندان کے بیشتر افراد اب پاکستان منتقل ہو چکے ہیں، اور انہوں نے حملے کے خطرے سے متعلق رابطہ کرنے پر کوئی جواب نہیں دیا ہے۔
- Featured Thumbs
- https://i.imghippo.com/files/fCOh9345NCo.jpg
Last edited by a moderator:
