لاہور جم خانہ سالانہ صرف5000 روپے لیز دینے کا انکشاف

لاہور جم خانہ کے سالانہ صرف5000 روپے لیز دینے کا انکشاف سامنے آگیا، لاہور جم خانہ کلب صوبائی حکومت کو صرف 5 ہزار روپے سالانہ بطور ٹوکن کرایہ دیتا ہے،لاہور ہائیکورٹ نے لاہور جم خانہ کلب کی پنجاب انفارمیشن کمیشن کی ہدایات کے خلاف درخواست مسترد کر دی،جس میں پی آئی سی نے جم خانہ کلب سے لیز پر دی گئی زمین کی تفصیلات اور عطیہ دہندگان کا ریکارڈ طلب کیا گیا تھا۔

لاہور جم خانہ کلب 1030 کنال، ایک مرلہ اور 80 فٹ پر محیط ہے اور جم خانہ کی انتظامیہ صوبائی حکومت کو صرف 5000 روپے سالانہ بطور ٹوکن کرایہ’ ادا کرتی ہے،جسٹس سلطان تنویر احمد نے ریمارکس دیے کہ 12 جون 1996 کی لیز ڈیڈ کے مطابق اپر مال لاہور کے میاں میر علاقے میں 1030 کنال، ایک مرلہ اور 80 فٹ اراضی 2000 سے 2050 تک 50 سالہ لیز صرف 5000 روپے سالانہ پر کلب کو دی گئی۔

جج نے ریمارکس دیے کہ زمین لاہور کے سب سے زیادہ قیمتی اور مہنگے علاقے میں موجود ہے۔ پی آئی سی نے لیز پر دی گئی زمین کی قیمت کا تخمینہ 15 ارب روپے لگایا جس سے عدالت کے سامنے درخواست گزار نے انکار نہیں کیا،گالف کورس سمیت کھیلوں کے میدانوں پر مشتمل جائیداد پنجاب حکومت نے فراہم کی تھی۔

عدالت نے کہا کہ ریاست کی طرف سے اربوں روپے کی زمین تقریباً مفت میں دینا وصول کنندہ کے لیے ایک بہت بڑا فائدہ ہے اور اسے ہرگز چارج کے طور پر بیان نہیں کیا جا سکتا،زیربحث زمین واضح طور پر حکومت کی طرف سے مالی امداد کے برابر ہے۔

پنجاب انفارمیشن کمیشن نے کلب کو ہدایت کی تھی کہ وہ شہریوں کو شفافیت اور معلومات کے حق سے متعلق قوانین کے تحت معلومات فراہم کرے تاہم کلب نے تفصیلات فراہم کرنے سے انکار کر دیا جس کے بعد ایڈووکیٹ عبداللہ ملک اور دیگر نے پی آئی سی سے رجوع کیا تھا۔

 

[tahirmajid]

Ghareeb aadmi se to government adhey marley ka bhi is se kai guna ziada paisa har mahina lay laiti hay

 

[ImranG]

کیسے کیسے ان کنجروں نے اس ملک کو لوٹا ہے۔ یہاں تو 100 عمران خان ہوں پھر بھی ان کا گند صاف کرتے کرتے سب کی زندگیاں ختم ہو جائیں۔

 

[Masud Rajaa]

the criminals have hijacked every institution of the country