دنیا کے سب سے بڑے میوزک فیسٹیول میں سے ایک "ریاض سیزن 2023ء" سعودی عرب میں شروع ہو گیا۔یہ میوزک فیسٹیول ایسے وقت میں شروع ہوا جب فلسطین اور اسرائیل میں جنگ جاری ہے
اس پر سعودی انٹرٹینمنٹ اتھارٹی کے سربراہ ترکی آل شیخ نے توقع ظاہر کی کہ ریاض سیزن کے چوتھے ایڈیشن میں تقریباً 12 ملین وزیٹرز شرکت کریں گے۔
ترکی آل شیخ نے کہا کہ ’28 اکتوبر سے شروع ہونے والا ریاض سیزن تاریخی ہو گا۔ بے مثال، تاریخی افتتاحی تقریب جو دنیا نے پہلے کبھی نہیں دیکھی ہو گی۔‘
ریاض سینرن پہلی بار 2019 میں شروع ہوا اور اس نے سات ملین سے زیادہ وزیٹرز کو راغب کیا تھا۔پچھلے سال ریاض سینرن میں 15 ملین سے زیادہ افراد نے شرکت کی جن میں 125 ممالک کے 10 لاکھ سے زیادہ سیاح شامل تھے۔
سعودی عرب میں جاری اس میوزک فیسٹیول پر سوشل میڈیا صارفین کی جانب سے سخت ردعمل دیکھنے کو مل رہا ہے انکا کہنا تھا کہ ایک طرف تو انکے ہمسایہ ملک میں فلسطینیوں کی کٹی پھٹی لاشیں ، انکے گھر تباہ اور دوسری طرف سعودی عرب میں عیش وعشرت کا سامان۔
انہوں نے مزید کہا کہ غزہ کے مرد مقدسات اسلام کے دفاع کےلیے لڑرہے ہیں۔ جبکہ "خادم الحرمین" کے مرد نما مخنث گلوکاروں اور رقاصوں کی میزبانی اور ریاض سیزن کا افتتاح کررہے ہیں۔
صحافی عمران میر نے تبصرہ کرتے ہوئے لکھا کہ سعودی عرب پر یہ وقت بھی آنا تھا کہ ہمسائیگی میں اسرائیل کے ہاتھوں فلسطینیوں کی بدترین نسل کشی جاری ہے اور یہ نہ صرف خاموش ہیں بلکہ دنیا کا سب سے بڑا جشن منارہے ہیں۔ اس سے زیادہ بے حسی بھی ہوسکتی کوئی ؟
دیگر سوشل میڈیا صارفین نے بھی سعودی حکومت کے اس اقدام کی شدید مذمت کی
- Featured Thumbs
- https://www.siasat.pk/data/files/s3/riyadh1i1h.jpg
