روپے کی قدر مزید مستحکم ہوتی جارہی ہے، جبکہ امریکی کرنسی میں مسلسل کمی کا سلسلہ جاری ہے، اور کہا جارہا ہے کہ ڈالر کی قمیت میں مزید کمی آئے، ڈالر دو سو روپے سے بھی نیچے جائے گا۔
چیئرمین فاریکس ایسوسی ایشن ملک بوستان نے ڈالر ذخیرہ کرنے والے کو خبردار کردیا، کہا اسٹیٹ بینک نے ایکسچینج کمپنیوں کو کیش ڈالر برآمد کرنے کی اجازت دے دی ہے جس سے روپے کی قدر مزید بہتر ہوگی اور ڈالر 185پر آجائے گی۔
یعنی اس وقت جو شخص ڈالر فروخت کرے گا اس کو منافع ہوگا مگر جو فروخت کرنے کے بجائے ذخیرہ کرے گا اسے نقصان اٹھانا پڑے گا،ایکسچینج کمپنیز ایسوسی ایشن آف پاکستان سے جاری بیان کے مطابق قائم مقام گورنر اسٹیٹ بینک ڈاکٹر مرتضٰی سید اور ڈپٹی گورنر ڈاکٹر عنایت سے فاریکس ایسوسی ایشن کے وفد نے ملاقات کی۔
ملک بوستان نے بتایا کہ گزشتہ ماہ ڈالر کا ریٹ جب 245 روپے تک چلا گیا تھا تو ہم نے عوام سے درخواست کی تھی کہ اس وقت پاکستان کو زرمبادلہ کی اشد ضرورت ہے، آپ ڈالر خریدنے کے بجائے اپنے پاس موجود نقد ڈالر اور دوسری غیر ملکی کرنسی جو گھروں اور لاکروں میں پڑی ہیں ان کو فروخت کر کے پاکستانی روپے میں سرمایہ کریں کیونکہ ڈالر کا ریٹ بہت جلد 245 روپے سے کم ہوکر 185 روپے تک جاسکتا ہے۔
دوسری جانب ملک میں روپے کے مقابلے میں ڈالر کی قدر میں کمی کے بعد کار ساز کمپنیوں نے گاڑیوں کی قیمتوں میں کمی کا اعلان کردیا،آٹو مینوفیکچررز نے گاڑیاں سستی کرنا شروع کردیں، سوزوکی کمپنی نے گاڑیوں کی قیمتوں میں نوے ہزار روپے سے ایک لاکھ ایک لاکھ ننانوے ہزار روپے تک کمی کردی ہے۔
- Featured Thumbs
- https://www.siasat.pk/data/files/s3/foreix1h11h1.jpg
