سابق وزیر داخلہ شیخ رشید کہتے ہیں کہ مہنگائی کی شرح34فیصد بڑھ گئی،غریب کوبھاشن نہیں راشن چاہیے،پنجاب میں ضمنی انتخاب کا نتیجہ سیاسی منظرنامہ بدل سکتاہے۔
اپنے ٹوئٹر پیغام میں شیخ رشید نے کہا کہ حکومت صرف اپنے کیسسز ختم کروارہی ہے،ابھی گیس اور بجلی کی قیمتیں اور بڑھیں گی۔میرے3سیکورٹی اہلکاروں کو واپس بلا کرحکومت نےکم ظرفی اورذہنی پستی کا ثبوت دیا ہے.
عوامی مسلم لیگ کے رہنما شیخ رشید نے کہا ہے کہ بھارت سے تجارت اوراسرائیل سے دوستی حکومت کا ایجنڈا ہے،ڈرون بیسز کی اجازت حکومت کا ایجنڈا ہے،سیاسی قصابوں نے مویشی منڈی کی رونق ختم کر دی ہے، بے روزگاری عام ہے اور سرمایہ کاری نایاب۔
انہوں نے کہا کہ حکومت آئی ایم ایف کے جال میں پھنس چکی ہے،چار سوٹیکسٹائل ملیں بند ہوگئی ہیں،ملک ڈیفالٹ ہونے جا رہا ہے،بجلی نو روپے یونٹ مزید مہنگی ہوگی۔
شیخ رشید نے کہا کہ انہوں نے کہاکہ 31 فیصد مہنگائی اور15 فیصد شرح سود بڑھ گئی ہے اب سرمایہ کاری کون کریگا،وزارتوں کا جمعہ بازار لگا ہے، منی لانڈرر حکمران بن گئے،لوٹ مار کا بازار گرم ہے۔
اس سے قبل جلسے سے خطاب میں شیخ رشید نے کہا تھا کہ عمران خان کیساتھ کھڑا ہونا اس ملک سے وفا داری ہے،ہم سب خان صاحب کیساتھ ہیں۔
انہوں نے کہا کہ اس ملک میں تین بڑے ڈاکو چور ہیں، ایک کا نام نواز، ایک کا نام شہباز، ایک کا نام فضل الرحمان اور ایک آصف زرداری ہے، ن لیگ کی سیاست کہاں گئی؟
شیخ رشید نے کہا ہے کہ تم تو ووٹ کو عزت کا کہتے تھے، تم نے تو لوٹے کو عزت دی ہے، عمران خان ہندوستان سے تجارت نہیں کر رہا ہے، وہ اسرائیل سے دوستی نہیں کررہا تھا۔
سابق وزیر داخلہ نے کہا کہ ڈیزل بیمار ہے، اسے چھوڑ دے، جہاں جاؤ وہاں ڈیزل ہی ڈیزل ہے، کہوٹہ کے غازیوں کبھی غداروں کو ووٹ نہ دینا، جس پر فرد جرم لگنی تھی اس وزیراعظم اور وزیر اعلیٰ بنا دیا۔
- Featured Thumbs
- https://www.siasat.pk/data/files/s3/15sheikhbhashanerashan.jpg
