asal baat samajhne ki ye hai keh deene islam ka bunyaadi maqsad kia hai? jab tak ham khud ko musalmaan kehlwaane waale log is baat ko theek tarah se samajh nahin paate tab tak her koi apni apni uljhanu ka hi izhaar kare ga. asal maqsad jo deene islam ne insaanu ko diye hai woh hai is duniya main aik behtareen insaani maashra qaim kerna. agar kisi ko is baat se ikhtilaaf hai to khul ker baat kere. agar nahin to phir agli baat per ghor kijiye aur woh ye keh aisa maashra banaane ke liye insaanu ko kia kia laazmi tor per darkaar hai jis ke baghair woh maashra ban hi nahin sakta jo khudaa insaanu se banwaana chahta hai? yani khudaa ke deene ki saheeh samajh boojh.
phir ye sawaal keh kia woh lawaazmaat insaanu ne haasil ker liye hen ta keh woh waisa maashra banaa saken jaisa khudaa insaanu se banwaana chahta hai? agar jawaab nafi main hai to phir baat un baatun per honi chahiye jo laazmi darkaar hen aur un ko haasil kerne ki poori poori koshish ki jaani chahiye na keh sirf baaten.
kisi ki pasand naa pasand per kisi ka nanga hona ya kapde pehnana koi maani nahin rakhta agar bunyadi maqsad hi nazrun se ujhal hai. khudaa ne jo bhi banaaya hai us main bizzaat kuchh bhi bura nahin hai. kisi bhi shakhs ka koi bhi kaam sirf aur sirf issi liye achhaa ya bura hai ya ho sakta hai agar woh khudaa ke diye huwe maqsad se insaanu ko qareeb le jaaye ya phir usse door le jaane waala ho. agar ham khudaa ke muqarar kerda maqsad hi se naawaaqif hen to phir ham ko kia pata keh haqeeqi tor per kia achhaa kia hai aur kia bura ya aisa hai kyun? issi liye ye baat behs baraaye behs ban ker reh jaati hai.
main ne aik doosre thread main sex ke baare main baat samjhaane ki koshish ki hai wahaan per bhi dekh lijiye. sex insaani nasal ki baqaa ke liye laazmi hai magar bila control ye insaanu ki tabahi aur barbaadi ka baais bhi hai. baat sirf itni hai keh is ko saheeh tarah se control kaise kiya jaaye taa keh ye insaanu ke liye aik behtareen shai saabit ho sake? is ke liye bhi insaanu ki drust zehn saazi ki zaroorat hai. matlab her shai issi baat ka taqaaza kerti hai keh us ko theek tarah se samjhaa jaaye aur istemaal kiya jaaye aur ham insaan is qadar ge guzre hen keh her ghalat baat ko to apnaate hen magar drust baat ko jaanane ki koshish bhi kam hi kerte hen.
haraami insaan chahe woh jo bhi hun sex ko bhi roti aur paani hi ki tarah control kerte hen ta keh logoon ko apne apne gande yani bure maqaasid ke liye istemaal ker saken. ye hai asal samajhne ki baat is maamle main. lihaaza un logoon ke haathun khilone mat banen jin ke agende hi khudaa ke diye ge bunyaadi maqsad ke khilaaf hen. yaad rakhen asal deene islam per mabni maashra aik azaad yani self regulated maashra hai jis main log her shai ko munaasib tareeqe se control kerte hen aur aisa kerne se un ka maqsad khudaa ke diye ge maqsad ko poora kerna hota hai na keh apni man maani kerna. For better understanding of deen of islam from the quran see
HERE,
HERE,
HERE,
HERE and
HERE.