پاکستان تحریک انصاف کے ترجمان رؤف حسن نے بڑا دعوی کردیا, اے آر وائی نیوز کے پروگرام الیونتھ آور میں گفتگو کرتے ہوئے بانی پی ٹی آئی کے لیے آج بھی ڈیل کی آفرز موجود ہیں۔
رؤف حسن نے کہا ’’بانی پی ٹی آئی ڈیل کر کے 10 دن میں باہر آ سکتے تھے، ان کے لیے آج بھی ڈیل کی آفرز موجود ہیں,رؤف حسن نے کہا بانی پی ٹی آئی کے پاس پہلے 10 دن میں آفر تھی جب وہ اٹک جیل میں تھے، لیکن وہ کسی ڈیل پر یقین نہیں رکھتے اسی لیے جیل میں ہیں۔
انھوں نے کہا بانی پی ٹی آئی نے جس دن کال دے دی سب لوگ باہر ہوں گے، پاکستان تحریک انصاف عوام کی جماعت ہے، عوام کہتے ہیں دفتروں میں کیوں بیٹھے ہو باہر نکلو، عوام کہتے ہیں کسی قسم کا سمجھوتہ کیا تو معاف نہیں کریں گے۔ترجمان پی ٹی آئی کا رہنماؤں کے منظر عام پر آنے کے حوالے سے بتایا کہ مراد سعید کے علاوہ بانی پی ٹی آئی نے سب رہنماؤں کو سامنے آنے کا کہا، حماد اظہر سامنے آ گئے ہیں، میاں اسلم بھی جلد سامنے آ جائیں گے، مراد سعید سے متعلق بانی پی ٹی آئی نے ابھی کچھ نہیں کہا ہے۔
اپنے اوپر ہونے والے حملے کے حوالے سے انھوں نے کہا کہ 7 دن ہو گئے، کسی نے رابطہ نہیں کیا، اب تک 4 لوگوں کی جیوفینسنگ نہیں ہو سکی، 9 مئی کے بعد 24 گھنٹوں میں 10 ہزار لوگوں کی جیوفینسنگ کی گئی، سی سی ٹی وی فوٹیج موجود ہیں اس کے باوجود ملزمان نہیں پکڑے گئے، ایف آئی آر تو درج ہو گئی لیکن ہماری لیگل ٹیم چاہتی ہے کہ دہشت گردی کی دفعہ شامل ہو۔
وفاق کے ساتھ تعلقات کے حوالے سے رؤف حسن نے کہا ’’پہلے دن سے ہماری پالیسی تھی کہ وفاق کے ساتھ فنکشنل ریلیشن رکھنے ہیں، علی امین گنڈاپور نے بطور وزیر اعلیٰ وفاقی حکومت کے ساتھ ریلیشن رکھے ہیں، لیکن وفاق کی جانب سے ردعمل انتہائی غیر مناسب تھا، وفاق صوبے کو فنڈز فراہم نہیں کر رہا، تعیناتیوں کی سفارش پر بھی عمل نہیں کیا گیا، بجلی کے معاملے پر بھی وفاق خیبر پختونخوا کو سنجیدہ نہیں لے رہا تھا، وفاق کو بھی سوچنا چاہیے کہ اس نے اکائیوں کو ساتھ لے کر چلنا ہے۔
انھوں نے کہا بانی پی ٹی آئی پر مزید کیس بنانے کی پوری کوششیں کی جا رہی ہیں، یوم تکبیر کی چھٹی کا مقصد یہ ہی ہے کہ بانی پی ٹی آئی پر مزید کیسز بنائے جائیں، شاہ محمود قریشی پر جو مزید 8 کیسز بنا دیے گئے ہیں یہ اس کا واضح ثبوت ہے، لیکن ہمیں پورا یقین ہے کہ 2024 میں بانی پی ٹی آئی جیل سے باہر آ جائیں گے۔
آج حالات مختلف ہیں ایمرجنسی لگائیں گے تو ملک کا نقصان ہوگا، نفرتیں بہت ہیں ایسی غلطیاں نہ کریں جس سے ملک کو نقصان ہو۔رؤف حسن کا کہنا تھا کہ ن لیگ، پیپل زپارٹی اور ایم کیو ایم کے ساتھ بات نہیں ہوگی، چوری کیا ہوا مینڈیٹ واپس کریں گے تو ان پارٹیوں سے بھی بات ہو سکتی ہے۔
- Featured Thumbs
- https://www.siasat.pk/data/files/s3/1raufhasshjsjnsjdkjd.png
Last edited by a moderator:
