عمران خان کا جرم ناقابل معافی ہے، یہ تین گھٹیا لوگ ہیں بیٹھ کر سازش کرتے رہے،رانا ثناء اللہ
نجی ٹی وی کے پروگرام میں گفتگو کرتے ہوئے رانا ثنا اللہ کا کہنا تھاکہ عمران خان کا ایک معمول میں وارنٹ جاری ہوا ، مجسٹریٹ کے پاس مقدمہ پیش ہوا تو لازمی تھا کہ ملزم پیش ہوتا اگر نہیں ہوا تو وارنٹ جاری ہونے تھے، یہ ایک معمولی وارنٹ جاری ہوا ،یہ دفعات تو قابل ضمانت ہیں۔
رانا ثنا اللہ نے مزید کہا کہ ہائیکورٹ نے عمران خان کے خلاف مقدمہ ختم نہیں کیا، ہائیکورٹ نے مقدمے سے صرف دہشت گردی کی دفعہ ختم کی۔باقی دفعات قابل ضمانت ہیں۔
رانا ثنا اللہ کا مزید کہناتھا کہ تین چار آدمی بیٹھ کر سازش کرتے رہے، کس طرح سے ملک کی آزادی کو اس نے کمپرومائز کیا، یہ جرم ناقابل معافی ہے۔
ان کا کہنا تھاکہ پارلیمنٹ میں اس پر بحث ہوگی اگر یہ غداری یا جو بھی جرم بنتا ہے تو ہم اس سے متفق ہوں گے ، آڈیولیکس سے متعلق کمیٹی تشکیل دے دی گئی، معاملے پر سنجیدہ نوٹس لیا گیا۔
رانا ثنا نے مزید کہا کہ وزیراعظم ہاؤس کا ریکارڈ تو کوئی روز چیک نہیں کرتا، سائفر کی ضرورت پڑی تو چیک کیا گیا، سائفر کی کاپی پی ایم ہاؤس میں موصول ہوئی ہے لیکن اب موجود نہیں، معلوم یہ ہوتا ہے کہ سابق وزیراعظم وہ کاپی جیب میں ڈال کر لے گئے ، انھوں نے جو منٹس ریکارڈ کرنے کا فراڈ کیا ہے یہ وہ منٹس چیف جسٹس اور اسپیکر کو بھیجے ہیں۔
- Featured Thumbs
- https://www.siasat.pk/data/files/s3/ikah1hi1i11.jpg
