سیکرٹری اطلاعات مسلم لیگ ن و صوبائی وزیراطلاعات و ثقافت عظمی زاہد بخاری کو رمضان پیکیج کے بیگز پر نوازشریف کی تصویر کا عمران خان فائونڈیشن کی طرف سے عوام کو دیئے گئے راشن بیگز سے موازنہ کرنے پر شدید تنقید کا سامنا کرنا پڑ گیا۔
وزیراعلیٰ پنجاب مریم نوازشریف سے ایک صحافی نے سوال کیا کہ "پنجاب گورنمنٹ پر سب سے زیادہ تنقید رمضان بیگز پر میاں نوازشریف کی تصویر پر اپوزیشن کی طرف سے تنقید کی جا رہی ہے" جس پر مریم نوازشریف نے کہا کہ پنجاب میں حکومت نوازشریف کی ہے۔
تحریک انصاف کے آفیشل پیج سے ویڈیو شیئر ہونے کے بعد سیکرٹری اطلاعات مسلم لیگ ن و صوبائی وزیراطلاعات و ثقافت عظمی زاہد بخاری نے اپنے ٹوئٹر پیغام میں عمران خان فائونڈیشن کی طرف سے دیئے گئے راشن بیگز کی تصاویر شیئر کرتے ہوئے لکھا: نوازشریف عمرانی ڈاکو اور اس کی ڈاکو بیگم المعروف بنٹی ببلی سے پاکستان اور پنجاب کی جان چھڑوا کر لوگوں کو ریلیف دے رہا ہے! ویسے فساد خان زچہ بچہ،ٹوائلٹس اور راشن بیگ پر ابو کے پیسے لگا رہے تھے یا باجی کی سلائی مشینوں کے؟
سینئر صحافی رضی طاہر نے ردعمل میں لکھا: عظمیٰ بخاری کی جانب سے شیئر کی گئی روشن پیک کی تصویریں سرکاری خزانے سے جاری کیے گئے سامان کی نہیں بلکہ نجی فلاحی ادارے عمران خان فاؤنڈیشن کی ہیں۔
سینئر صحافی عمران افضل راجہ نے لکھا: "جیسی مالکن جاہل، ویسی کنیز جاہل" آئی کے ایف پرائیویٹ تنظیم ہے، بنی بھی عمران خان کے نام پر ہے وہ جس کی مرضی چاہے تصاویر لگائیں، کسی کے باپ کا پیسہ نہیں اُن کا اپنا ہے! رہی بات زچہ بچہ کی تو شریف خاندان کی دائی اپنے مطلب کا کام ڈھونڈ ہی لیتی ہے!
ایک سوشل میڈیا صارف نے لکھا: راشن کے تھیلوں پر صاف صاف IKF لکھا ہوا ہے جس کا مطلب عمران خان فائونڈیشن! اس کا مطلب ہے کہ یہ این جی او نے دیے تھے، پنجاب حکومت نے نہیں۔ مائی گلاسی اور اس کی کنیز یا تو یہ بات نہیں سمجھ پارہی یا تو پھر اپنے والد زاہد بخاری کی طرح جھوٹی اور ڈھیٹ ہیں!
سینئر صحافی ارم ضعیم نے لکھا: ریمنڈ ڈیوس شاید مکمل فیس دے کر نہیں گیا، پنجاب سے عوام نے لات مار دی، لگتا ہے صدمے سے دماغ ہل گیا ہے، اس لیے ایک NGO کی طرف سے دی گئی امداد اور حکومت پنجاب کے عوامی خزانے میں فرق معلوم نہیں ہو رہا اور جہالت کی انتہا ہے کہ تصویریں بھی خود پوسٹ کر دی ہیں۔
حمزہ خان نے لکھا: عظمی بخاری کی جانب سے شیئر کی گئی روشن پیک کی تصویریں سرکاری خزانے سے جاری کیے گئے سامان کی نہیں بلکہ نجی فلاحی ادارے عمران خان فاؤنڈیشن کی ہیں!
ارم جعفری نے لکھا: عقل سے پیدل ان خواتین کو کون سمجھائے کہ جو تصاویر لگائی گئیں تھیں اُس وقت عمران خان وزیر اعظم تھے اور جو تھیلوں کی تصویر ہے وہ عمران خان فاونڈیشن کی ہیں، اب نواز شریف کو تو تم لوگوں نے وزیر تو کیا حکومت میں چپڑاسی تک کا عہدہ نہیں دیا!
- Featured Thumbs
- https://www.siasat.pk/data/files/s3/maryaj1h1h12i1.jpg
