غیرملکی سیاح کی ہنزہ کی عطا آباد جھیل میں ہوٹل کی سیوریج اور غلاظت کی شکایت کی ویڈیو سوشل میڈیا پر وائرل ہوگئی جسے ایک غیر ملکی سیاح نے شئیر کیا۔
اپنے ویڈیو پیغام میں غیر ملکی سیاح نے کہا کہ مقامی افراد نے ہوٹل کا فضلہ جھیل میں چھوڑے جانے کی اطلاع دی ہے۔
غیرملکی نے ویڈیو میں دکھایا بھی کہ جھیل کے صاف پانی اور گندے پانی کے درمیان فرق کو واضح طورپر دیکھاجاسکتاہے۔
وزیردفاع خواجہ آصف نے ویڈیو پر تبصرہ کرتے ہوئے کہا کہ یہ ملک دشمنی ھے ۔ ھوٹل کا نامُ بھی بتائیں ۔ کاروباری مصلحت کا شکار نہ ھوں
غیر ملکی سیاح کی ویڈیو سوشل میڈیا پر وائرل ہونے کے بعد گلگت بلتستان کی حکومت ایکشن میں آگئی اور فوری واقعے کا نوٹس لے لیا اور محکمہ تحفظ ماحولیات گلگت بلتستان کی ٹیم معائنہ کرنے عطا آباد جھیل پہنچ گئی۔
محکمہ تحفظ ماحولیات کے ترجمان کا کہنا تھا کہ جھیل میں سیوریج کے پانی کے شواہد ملے تو ہوٹل انتظامیہ کے خلاف کارروائی کی جائے گی۔
Last edited by a moderator:
