پاکستان مسلم لیگ (ن) کے رہنما اور حکومتی مذاکراتی ٹیم کے ترجمان سینیٹر عرفان صدیقی نے کہا ہے کہ پاکستان تحریک انصاف (پی ٹی آئی) کے بار بار موقف تبدیل کرنے سے مذاکراتی عمل مثبت طور پر آگے نہیں بڑھ سکے گا۔
نجی چینل سے گفتگو کرتے ہوئے عرفان صدیقی نے کہا کہ کئی مہینوں کی رسہ کشی کے بعد اتحادی حکومت اور پی ٹی آئی نے 23 دسمبر 2024 کو تناؤ کو کم کرنے کے لیے مذاکرات کا آغاز کیا جو کہ خوش آئند بات ہے۔
انہوں نے مزید کہا کہ اسد قیصر کی باتوں نے مذاکرتی کمیٹی میں اب تک ہونے والی پیشرفت کے حوالے سے نئے مسائل کھڑے کردیے ہیں۔ ایسے مطالبات سامنے آ گئے ہیں، جو پہلے ہمارے سامنےبالکل نہیں تھے
انہوں نے کہا کہ ایک طرف پی ٹی آئی کہتی ہے کہ حکومت کو اسٹیک ہولڈرز کا اعتماد حاصل ہے اور دوسری طرف اپنا ہی مؤقف تبدیل کر کے شکوک و شہبات پیدا کرنے کی کوشش کر رہی ہے۔
عرفان صدیقی کا کہنا تھا کہ تحریک انصاف کی مذاکرات کمیٹی کی پیر کو عمران خان سے ملاقات ہوجائے گی. مذاکرات شروع ہونے سے آج تک ہم ایک قدم بھی آگے نہیں بڑھ سکے
عرفان صدیقی نے کہا کہ ہم چاہتے ہیں کہ ایک دفعہ چیزیں تحریری طور پر سامنے آ جائیں تاکہ واضح ہو جائے کہ ان کے کیا کیا مطالبات ہیں، پی ٹی آئی نے دونوں میٹنگز میں اشارتاً بھی نہیں کہا کہ پہلے اسٹیک ہولڈرز سے بات کر لیں، ہم کس سے بات کرتے ہیں کس سے ضمانت لیتے ہیں یہ ہمارا دردِ سر ہے۔
- Featured Thumbs
- https://www.siasat.pk/data/files/s3/irfan11134.jpg
