اسلام آباد ہائیکورٹ نے پیمرا فیصلے کے خلاف اینکر عاصمہ شیرازی کی اپیل کا فیصلہ سنا دیا۔ عدالت نے غلط خبر نشر کرنے پر نجی چینل کو سینئر صحافی عاصمہ شیرازی سے معافی مانگنے کا حکم دے دیا۔
جسٹس محسن اخترکیانی نے 14 صفحات پر مشتمل فیصلہ تحریر کیا اور اے آروائی نیوز کو حکم دیا کہ اینکر عاصمہ شیرازی سے متعلق غلط خبر نشر کرنے پر نجی چینل معافی نامہ نشر کرے۔
اسلام آباد ہائیکورٹ نے نجی چینل کو سینئر صحافی عاصمہ شیرازی کو 50 ہزار جرمانہ دینے کا حکم بھی دے دیا۔
عدالتی فیصلے میں کہا گیا کہ عاصمہ شیرازی چاہیں تو ہتک عزت کا دعویٰ دائر کرسکتی ہیں، نجی چینل نے صحافی عاصمہ شیرازی کے خلاف 2 روز تک غلط خبر نشر کی، نجی چینل نے عاصمہ شیرازی کی تصویر بار بار نشر کی۔
اسلام آباد ہائیکورٹ کا کہنا ہے کہ پیمرا قواتین کے تحت چینلز کی ذمہ داری ہے کہ خبر کو درست انداز میں نشر کیا جائے، پیمرا قانون کے مطابق کسی کے خلاف غلط، ہراسانی پر مبنی اور ہتک آمیز خبر نہیں چلائی جا سکتی۔
عاصمہ شیرازی نے اپنے حق میں آئے اسلام آباد ہائی کورٹ کے فیصلے پر ردعمل دیت ہوئے کہا کہ یہ فیصلہ نہ صرف میرے لیے بلکہ ان تمام صحافیوں کے لیے تاریخی ہے جنہیں آن لائن اور نجی ٹی وی چینل جیسے مین اسٹریم میڈیا پر ہراسانی کا سامنا کرنا پڑا۔
دوسری جانب صحافی عمران میر نے کہا کہ میرا نام جیو پر کس چکر میں ؟کیا میں بھی عاصمہ شیرازی کی طرح کیس کروں یا اپنی غلطی پر جیو خود ہی معافی مانگ لے گا ؟اے آر وائی کے خلاف عاصمہ کیس کے فیصلے کی خبر دیتے ہوئے جیو نے میرا نام خوامخواہ ڈال دیا۔
یادرہے کہ نجی ٹی وی چینل نے عامر میر اور عمران شفقت کی ایف آئی اے کی جانب سے گرفتاری پر از خود نوٹس کیس میں سپریم کورٹ کے ریمارکس کو توڑ مروڑ کر عاصمہ شیرازی سے جوڑ کر بار بار چلایا تھا۔
- Featured Thumbs
- https://www.siasat.pk/data/files/s3/manso111h21.jpg
