صحافی ارشد شریف کی بیٹی نے والد کی طرح صحافت کے میدان میں قدم رکھ رکھا دیا، علیزہ ارشد نے بطور رپورٹر صحافت شروع کردی، سوشل میڈیا پر علیزہ ارشد کو بھرپور پذیرائی اور سپورٹ مل رہی ہے۔
پی ٹی آئی رہنما شہباز گل نے ٹوئٹر پر علیزہ ارشد کی رپورٹ شیئر کرتے ہوئے انہیں خوب داد دی اور ان کے والد کو یاد کرتے ہوئے نیک خواہشات کا اظہار کیا۔
سینئر صحافی صابر شاکر نے بھی اس پیغام کے ساتھ پوسٹ شیئر کی کہ شہید ارشد شریف زندہ و تابندہ ہوتا رہے گا ہر صبح ہر شام ہر روز ہر جگہ ، آزادی فکر کا چراغ کبھی نہیں بُجھے گا۔
دیگر صارفین کی جانب سے بھی علیزہ ارشد کو سراہا جارہاہے، انور لودھی نے علیزہ کی رپورٹ شیئر کرتے ہوئے لکھا ہمارے ہیرو شہید ارشد شریف کی بیٹی بھی اب صحافت میں آ گئی ہیں، اللہ تعالیٰ اسے کامیابی دے اور وہ اپنے باپ کی طرف حق سچ کی آواز بنے،آمین،
مخدوم شہاب الدین نے لکھا یہ ویڈیو دیکھ کر آنکھوں میں آنسو آ گئے،شہید ارشد شریف کی بیٹی کے صحافتی سفر کا آغاز۔
ابھی آپ کو بہت آگے جانا ہے
بہادر باپ کی بہادر بیٹی
سلمان درانی نے کہا ارشد شریف کی بیٹی علیزہ ارشد کی اے آر وائے نیوز کے ساتھ رپورٹنگ کا آغاز۔ اللہ کامیابیاں دے بیٹا آپ کو،
گزشتہ سال کینیا میں معروف صحافی ارشد شریف کو قتل کردیا گیا تھا، ارشد شریف کے قتل کی تحقیقات جاری ہیں، پاکستان کی وزارتِ داخلہ کی طرف سے سینئر صحافی اور اینکرپرسن ارشد شریف قتل کیس میں بنائی گئی فیکٹ فائنڈنگ ٹیم کی رپورٹ میں بتایا گیا تھا صحافی ارشد شریف کو 'باقاعدہ منصوبہ بندی' کے تحت قتل کیا گیا۔
