شہباز شریف حکومت کیخلاف ان ہاؤس تبدیلی کیلئے متحرک ہوگئے ہیں اور انہوں نے اس کیلئے سیاسی رہنماؤں سے ملاقاتیں شروع کر دی ہیں۔
تفصیلات کے مطابق کبھی لانگ مارچ کا پلان، کبھی عدم اعتماد تو کبھی ان ہاؤس تبدیلی کا شور۔ اپوزیشن کی بڑی جماعت مسلم لیگ ن نے پھر ان ہاؤس تبدیلی کو فوکس کر لیا۔ ان ہاؤس تبدیلی میں کامیابی کے لیے شہباز شریف نے سیاسی رہنماؤں سے ملاقاتوں کا فیصلہ کرلیا۔
مسلم لیگ ن کے صدر نے اپوزیشن قائدین کے علاوہ حکومتی اتحادیوں سے بھی ملاقاتوں کا فیصلہ کیا ہے۔ شہباز شریف نے اپنی پولیٹیکل ٹیم کو ملاقاتوں کا شیڈول بنانے کی ہدایت کر دی۔ وہ لاہور، کراچی اوراسلام آباد میں اہم ملاقاتیں کریں گے۔ وہ حکومتی اتحادی باپ، ق لیگ اور جےڈی اےکے قائدین سے ملیں گے۔ اسی سلسلے میں شہباز شریف نے ایم کیو ایم پاکستان کے رہنماؤں سے بھی ملاقات کی۔
جے ڈی اے کے قائدین سے ملاقاتوں کیلئے لیگی رہنما کراچی جائیں گے، جہاں لیگی رہنماؤں کے علاوہ سندھ کی قوم پرست جماعتوں سے رابطہ کرینگے۔ شہباز شریف کی پولیٹیکل ٹیم نے ملاقاتوں کے شیڈول کی تیاری شروع کردی۔ رواں ماہ قومی اسمبلی کے اجلاس میں بھی شہباز شریف اہم سیاسی رہنماؤں سے ملیں گے۔
شہباز شریف اسلام آباد میں مولانا فضل الرحمان، محمود اچکزئی اور سردار اختر مینگل سے ملیں گے، اور سیاسی رہنماؤں کو ان ہاؤس تبدیلی پر قائل کرنے کی کوشش کریں گے۔
یاد رہے کہ آصف زرداری نے گزشتہ روز چوہدری برادران سے ملاقات کی تھی جس میں کوئی خاطر خواہ دائرہ حاصل نہیں ہو سکا، میڈیا رپورٹس کے مطابق چوہدری برادران نے نہایت طریقے کے ساتھ عدم اعتماد کے سلسلے کو ٹال دیا ہے۔
- Featured Thumbs
- https://www.siasat.pk/data/files/s3/3shahbazsharifinhouse.jpg
