بنگلہ دیشی آل راؤنڈر حسب روایت ایک پھر میچ کے دوران ایمپائر سے الجھ پڑےہیں۔
تفصیلات کے مطابق بنگلہ دیشی کھلاڑی نے دوران میچ ایمپائر سے بدتمیزی کرڈالی ہے اور ایمپائر کےفیصلے کے خلاف احتجاج کرنے لگے۔
واقعہ بنگلہ دیش پریمیئر لیگ کے دوران ایک میچ میں اس وقت پیش آیا جب شکیب الحسن بیٹنگ کو بیٹنگ کے دوران باؤلر کے باؤنسر کا سامنا کرنا پڑا، جیسے ہی ایمپائر نے اس گیند کو وائیڈ قرار دینے کے بجائے ون باؤنسر کا اشارہ دیدیا۔
شکیب الحسن نے پہلے لیگ ایمپائر کے فیصلے پر چیخ کر اپنے غصے کا اظہار کیا اور پھر چلتے ہوئے باؤلنگ اینڈ پر موجود ایمپائر سے بھی الجھتےہوئے دکھائی دیئے۔
خیال رہے کہ یہ پہلا موقع نہیں ہے جب بنگلہ دیشی آل راؤنڈر نے میچ کے دوران ایمپائر سے بدتمیزی کی ہو، وہ پہلے بھی ایمپائر کے فیصلوں کے خلاف اپنے غصے کا اظہار کرتے رہتے ہیں۔