سنا ہے کہ ان خاتون کو ریاست کوئی تمغہ وغیرہ بھی دے رہی ہے! : مرزا شہزاد اکبر
اسلام آباد ہائیکورٹ کے جسٹس بابر ستار نے توہین عدالت کیس کا محفوظ فیصلہ سناتے ہوئے ڈی سی اسلام آباد عرفان نواز میمن کو 6 مہینے قید کی سزا سنا دی ہے۔ عدالت نے فیصلہ سناتے ہوئے ڈی سی اسلام آباد کو 6 مہینے، ایس ایس پی آپریشنز اسلام آباد کو 4 مہینے قید اور 1 لاکھ روپے جرمانہ عائد کیا ہے۔
سماجی رابطوں کی ویب سائٹ ایکس (ٹوئٹر) پر معروف سماجی کارکن شمع جونیجو نے ڈی سی اسلام آباد کو سزا دینے کا فیصلہ صوبائی تعصب قرار دے دیا جس پر صارفین شدید ردعمل دے رہے ہیں۔
معروف سماجی کارکن شمع جونیجو نے اپنے ایکس (ٹوئٹر) اکائونٹ سے اپنے پیغام میں لکھا کہ: ایک پنجابی جج بابر ستار نے وفاقی دارالحکومت میں تعینات واحد سندھی ڈپٹی کمشنر عرفان میمن کو زاتی، سیاسی بُغض اور عناد سے مغلوب ہوکے چھہ مہینے کی سزا سنا دی ہے! عرفان میمن کا قصور پی ٹی آئی کے شہریار آفریدی کو گرفتار کرنے میں ریاست کے احکامات کی بجاآوری تھا لیکن آج لُولی لنگڑی ریاست گنگ ہے!
سینئر صحافی سوشل میڈیا صارف محمد فہیم نے لکھا: صوبائیت کو ہوا دینے کی یہ بہترین مثال ہے! عام طور پر جب خیبر پختونخوا وفاق سے اپنا حق مانگتا ہے تو لوگ اسے صوبائیت سے جوڑ دیتے ہیں، اپنا حق مانگنا صوبائیت نہیں لیکن ایسی ٹوئٹ کرنا ضرور صوبائیت ہی ہے!
سینئر صحافی وتجزیہ کار سید ثمر عباس نے شمع جونیجو کے ٹوئٹر پیغام پر ردعمل میں لکھا: صوبائیت کا کارڈ استعمال کرنا انتہائی شرمناک اور افسوسناک ہے۔ عرفان نواز میمن نے ڈی سی اسلام آباد ہوتے ہوئے سیاستدانوں کی غیرقانونی طور پر نظربندی کے احکامات جاری کیے تھے جس پر انہیں قانون کا سامنا کرنا چاہیے۔
پاکستان تحریک انصاف کے رہنما مرزا شہزاد اکبر نے ردعمل دیتے ہوئے لکھا: سنا ہے کہ ان خاتون کو ریاست کوئی تمغہ وغیرہ بھی دے رہی ہے! ویسے مسلم لیگ ن ڈپٹی کمشنر اسلام آباد کا جتنا دفاع کر رہی ہے اتنا ان لوگوں نے نواز شریف کی وزارت اعظمی چننے کا بھی نہیں کیا!
ایک سوشل میڈیا صارف نے شمع جونیجو اور عباس ناصر کے درمیان صوبائی تعصب کے حوالے سے پیغامات کے تبادلے کا سکرین شاٹ شیئر کرتے ہوئے لکھا: پاکستان نے اس نسل پرست، بدزبان اور گھٹیا خاتون کو سول ایوارڈ تمغہ امتیاز سے نوازا ہے۔ علاوہ ازیں جس بین الاقوامی پلیٹ فارم کی طرف سے اس خاتون کو انسانی حقوق پر بات کرنے کی دعوت دی گئی ہے اسے خود پر شرم آنی چاہیے۔
سینئر صحافی بشارت راجہ نے ردعمل دیتے ہوئے لکھا: یہ خاتون ہے کون؟ جو صوبائیت کا منجن بیچ رہی ہے؟ یہ عورت کہاں کی رہنے والی ہے؟ اللہ کا کوئی بندہ سطحی ذہنیت رکھنے والی اس خاتون کا تعارف تو کروائے!
سینئر صحافی عبید بھٹی نے لکھا: پیپلزپارٹی کی ملازمہ کا اندرونی گند کھل کر باہر آرہا ہے، نسل پرست کارڈ کھیلنا شروع ہو گئی ہے، اس خاتون کو پی ڈی ایم کی طرف سے 23 مارچ کو تمغہ بھی ملنا ہے۔
فیصل نصیر نامی صارف نے لکھا: شمع کے اس ٹویٹ سے مجھے بالکل بھی کوئی حیرانی نہیں ہوئی، ماضی میں وہ شاہ رخ جتوئی کا دفاع کرتی رہی ہے صرف اس لیے کہ وہ سندھی ہے۔ جب بھی اس طرح کا کچھ ہوتا ہے تو اس خاتون کا ترقی پسندی کا ماسک چہرے سے اتر جاتا ہے اور بدصورت نسلی قوم پرست چہرہ سامنے آ جاتا ہے۔
فراز سعید نے لکھا: ریاست کے اس سفاکانہ، غیرقانونی وغیرآئینی اقدام کا "نونی" جس طرح سے دفاع کر رہے ہیں اور جج کو بچانے کی کوشش کی جا رہی ہے اس سے پتہ چلتا ہے کہ مسلم لیگ ن کس طرح کی فاشست جماعت بن چکی ہے!
دوسری طرف ڈی سی اسلام آباد عرفان نواز میمن نے توہین عدالت کیس میں سنگل بینچ کے فیصلے کے خلاف انٹراکورٹ اپیل دائر کرد ی ہے۔اسلام آباد ہائیکورٹ نے سنگل بنچ کے فیصلے کے خلاف انٹراکورٹ اپیل پر ڈویژن بنچ تشکیل دیا ہے ، درخواست پر چیف جسٹس عامر فاروق اور جسٹس طارق محمود جہانگیری 4 مارچ 2024ء کو درخواست پر سماعت کریں گے۔
- Featured Thumbs
- https://www.siasat.pk/data/files/s3/15shamamajusnenjjai.png
