ہلال احمر انٹرنیشنل کی کینیڈین شاخ نے سیلاب متاثرین کی مدد کیلئے جمع کیےگئےعطیات حکومت پاکستان کو فراہم نا کرنےکا اعلان کیا ہے۔
تفصیلات کے مطابق مائیکروبلاگنگ ویب سائٹ ٹویٹر پر کینیڈین ریڈ کراس کے آفیشل ٹویٹر ہینڈل سے پاکستان میں سیلاب متاثری کی مدد کیلئے اپیل کرتے ہوئے ایک پیغام جاری کیا جس میں کہا گیا تھا کہ تباہ کن مون سون سیزن کے بعد پاکستان کا ایک تہائی حصہ ڈوب چکا ہے، 1ہزار سے زائد ہلاکتیں ہوچکی ہیں، 33 ملین سے زائد لوگ متاثر ہیں، ان کیلئے فوری طور پر مدد کی ضرورت ہے۔
ریڈ کراس کینیڈا کے اس بیان پر ایک پاکستانی ٹویٹر صارف نے کمنٹ کیا اور کہا کہ "برائے مہربانی کوئی بھی امداد یا رقم پاکستان کی امپورٹڈ حکومت کو فراہم نا کی جائے، کیونکہ یہ کبھی بھی متاثرین تک نہیں پہنچے گی، مہربانی کرکے امداد کسی ایسے ادارے کو دی جائے جو پاکستان میں حقیقی طور پر امدادی کارروائیوں میں مصروف ہو۔
کینیڈین ریڈ کراس نے اس صارف کےکمنٹ پر ردعمل دیا اور ہمارےجمع کیےگئے عطیات پاکستان میں ریڈ کراس یا ریڈ کریسنٹ(ہلال احمر) ہیومینیٹیرین ریلیف ایفرٹس کےذریعے سیلاب متاثرین کی مدد کیلئے استعمال کیے جائیں گے ۔
کینیڈین ریڈ کراس نے واضح الفاظ میں کہا کہ کینیڈا میں جمع کیے گئے عطیات حکومت پاکستان کے حوالے نہیں کیے جائیں گے۔
اس پر ٹویٹ کرتے ہوئے لیفٹیننٹ جنرل ہارون اسلم نے کہا کہ کینیڈا کی ریڈ کراس نے خاص طور پر لکھا ہے کہ امداد ی فنڈ حکومتِ پاکستان کو نہیں دئے جائیں گے۔ یہ ہے ہماری حکومت کی ساکھ- یہ قومی رُسوایئ اور شرم کا مقام ہے۔
- Featured Thumbs
- https://www.siasat.pk/data/files/s3/5canadianredcross.jpg
