مشہور اینیمیٹڈ ہیرو سپر مین اور ونڈر وومن کی جانب سے کشمیر کے تنازعے کو حل کرنے کے حوالے سے ایک ویڈیو سوشل میڈیا پر تیزی سے وائرل ہورہی ہے جس پر بھارتی سوشل میڈیا صارفین سیخ پا ہوگئے ہیں۔
خبررساں ادارے ٹریبیون کی رپورٹ کے مطابق ڈی سی کی نئی اینی میٹڈ فلم'ان جسٹس' کا ایک کلپ سوشل میڈیا پر وائرل ہوا ہے جس میں بھارت کی جانب سے قبضہ کیے گئے علاقے کشمیر کو ایک متنازعہ علاقہ دکھایا گیا ہے اور ڈی سی کے سپر ہیروز سپر مین اور ونڈر وومن اس علاقے سے تمام فوجوں کو تباہ کرتے ہوئے اسے آرم فری زون بناتے ہیں۔
اس کلپ کے وائرل ہوتے ہی بھارتی سوشل میڈیا صارفین سیخ پا ہوگئے ہیں اور اس کلپ کو شیئر کرتے ہوئے بھارتی صارفین نے "اینٹی انڈیا سپرمین" کا ہیش ٹیگ بھی ٹرینڈنگ میں آگیا ہے۔
وائر ل ویڈیو کی وائس اوور میں پاکستان اور بھارت کا کوئی ذکر نہیں ہے تاہم یہ بتایا جارہا ہے کہ سپر مین اور ونڈر وومن نے کشمیر میں تمام ملٹری تنصیبات کو تباہ کرنے میں کامیاب ہوگئے ہیں اور علاقے کو فری آرم زون بنادیا گیا ہے۔
تاہم ویڈیو کلپ کےو ائرل ہونے کے بعد بھارتی صارفین مشتعل ہوگئے اور انہوں نے ڈی سی فلمز کو بھارت میں بین کرنے سمیت متعدد مطالبات پیش کرنا شروع کردیئے۔
ایک اور صارف نے لکھا کہ بھارت کو ولن اور کشمیر کو متنازعہ علاقہ دکھانا بھارت کے خلاف غیرا خلاقی پراپیگنڈہ ہے، کشمیر بھارت کو اٹوٹ انگ ہے اور رہے گا۔
<
ایک صارف نے ڈی سی فلمز سے مطالبہ کیا کہ اس بھونڈے پراپیگنڈے پر بھارت سے معافی مانگی جائے وگرنہ کروڑوں بھارتیوں کا سامنا کرنے کیلئے تیار ہوجائے، انہوں نے مزید لکھا کہ ہماری طاقت کو شبہ نہ کریں ہم آپ کو ناقابل فراموش نقصان پہنچا سکتے ہیں۔
- Featured Thumbs
- https://www.siasat.pk/data/files/s3/dc-comics-india-2332.jpg
