سکھر : ایف آئی اے نے سوشل میڈیا پر لڑکی بن کر مردوں کو ہراساں اور بلیک میل کرنے والے شخص کو گرفتار کرلیا ہے۔
تفصیلات کے مطابق وفاقی تحقیقاتی ادارے (ایف آئی اے) کے سائبر کرائم ونگ سندھ نے آپریشن سائبر اسٹروم کے تسلسل میں مردوں کو ہراساں کرنے اور بلیک میل کرنے میں ملوث ملزم کو گرفتار کرلیا۔
ایڈیشنل ڈائریکٹر ایف آئی اے عمران ریاض کا کہنا ہے کہ سکھر کی ٹیم نے کارروائی کی جس کے دوران لال گل ولد محمد بخش مہر نامی ملزم کو گرفتار کیا گیا ہے۔ملزم نہ صرف متاثرین کو بلیک میل اور ہراساں کرتا تھا بلکہ شکایت کنندہ کی فحش تصاویر اور ویڈیوز شیئر کررہا تھا۔
ان کا کہنا تھا کہ ملزم لال گل لڑکی کے نام سے جعلی آئی ڈی بنا کر فیس بک پر مردوں سے دوستی کرتا اور انہیں ویڈیو کال پر آمادہ کر کے ریکارڈنگ کرتا اور ویڈیو ڈیلیٹ کرنے کے پیسے مانگتا تھا۔
ایف آئی اے کا کہنا ہے کہ ملزم ویڈیو اور تصاویر ڈیلیٹ کرنے کے لیے 20 سے تیس ہزار روپے مانگتا اور رقم نہ دینے کی صورت میں تصاویر و ویڈیوز انٹرنیٹ پر شیئر کردیتا تھا۔
- Featured Thumbs
- https://www.siasat.pk/data/files/s3/fiai11h2111.jpg
