کاش میں محترمہ سے رابطہ کر سکتا تو ان سے کفایت شعاری ہی سیکھ لیتا!: سوشل میڈیا صارف
قائد مسلم لیگ ن لیگ میاں نوازشریف کی صاحبزادی اور پارٹی کی چیف آرگنائزر مریم نوازشریف کی طرف سے کاغذات نامزدگی کے ساتھ بیرون ملک دوروں کے سفری اخراجات کی الیکشن کمیشن آف پاکستان میں جمع کروائی گئی تفصیلات منظرعام پر آگئی ہیں جس کے بعد سوشل میڈیا پر ایک نئی بحث چھڑ گئی ہے۔ مریم نوازشریف نے 1 سال کے دوران مختلف ممالک کا 17 بار دورہ کیا اور 18 دن سوئٹزر لینڈ میں سرجری کیلئے رہیں جس کا خرچ 53 ہزار آیا۔
سینئر صحافی وتجزیہ کار شاکر محمود اعوان نے مریم نوازشریف کے سفری اخراجات کی تفصیلات اپنے ایکس (ٹوئٹر) پیغام میں شیئر کرتے ہوئے لکھا: یہ مریم نوازشریف کے بیرون ملک دوروں کی تفصیلات ہیں! محترمہ سرجری کے سلسلہ میں 18 دن تک سوئزرلینڈ رہیں اور خرچ صرف 53 ہزار روپے 550 روپے آیا ہے۔
انہوں نے لکھا کہ: ہمارے ہاں تو اتنا پیسے مری کا سفر کرتے ہوئے ایک دن میں خرچ ہو جاتے ہیں! محترمہ 1 سال کے دوران 17 دفعہ مختلف ممالک کی سیر کرنے کے لیے گئیں۔ مریم نوازشریف کی طرف سے یہ تفصیلات این اے 117 میں کاغذات نامزدگی جمع کروانے کے دوران جمع کروائی گئی ہیں!
سینئر صحافی محمد عمیر نے اپنے ایکس (ٹوئٹر) پیغام میں لکھا: مریم نوازشریف کے خرچ کی تفصیلات! 18 دن سوئٹرز لینڈ رہنے کا خرچہ 53000 روپے، 25 دن یوکے اور سوئٹرز لینڈ رہنے کا خرچہ دو لاکھ 18 ہزار روپے اور یوکے میں 36 دن رہنے کا خرچہ ایک لاکھ پچاس ہزار روپے آیا ہے۔ پانامہ حساب کتاب کے دوران پتہ لگا تھا کہ جاتی عمرہ کی زمین 80 روپے فی مرلہ کی خریدی گئی تھی!
سینئر صحافی عاصم ارشاد نے لکھا: مریم نوازشریف سرجری کے سلسلہ میں 18 دن سوئزرلینڈ رہیں اور خرچ صرف 53 ہزار روپے آیا، یہ کاغذات نامزدگی جمع کرواتے وقت اثاثوں کی تفصیلات ہیں!
ایک سوشل میڈیا صارف نے طنزیہ پوسٹ کرتے ہوئے لکھا: بھائی پلیز مجھے بھی 2 لوگوں کا 30 دن تک سوئٹزرلینڈ میں رہنے کا حساب کتاب لگوا دیں، اسی ریٹ پر! میں بھی اسی بہانے سوئٹزرلینڈ دیکھ لوں گا، نہیں تو 80 روپے فی مرلہ کے حساب سے 4 کنال، میرا مطلب ہے 80 مرلے زمین ہی دلوا دیں!
شہباز ماہی نامی صارف نے لکھا: کیا بات ہے، میرا پچھلے دنوں لاہور جانے کا اتفاق ہوا جہاں میں 7 دن رہا اور 8 سے 9 ہزار روپے لگ گئے، کاش میں محترمہ سے رابطہ کر سکتا تو ان سے کفایت شعاری ہی سیکھ لیتا!
سید ذیشان عزیز نے لکھا: انہوں نے اپنا خرچہ بتایا ہے جو اپنی جیب سے ادا کیا ہے!
اقرا افضل نے لکھا: سوئٹزرلینڈ اتنا سستا ہے؟ مطلب ٹکٹ وغیرہ کے پیسے اور وہاں رہائش کے اخراجات اور پھر سرجری کے پیسے کل ملا کر صرف 53 ہزار 550 روپے !
- Featured Thumbs
- https://www.siasat.pk/data/files/s3/16matyaydooryrusjs.png
