سندھ کے ضلع خیر پور میں گھریلو تشدد اور پولیس کی رشوت خور ی کے خلاف ایک روز قبل تکاحتجاج کرنے والی خاتون روزینہ جونیجو کو پرسرار طو رپر قتل کردیا گیا ہے۔
تفصیلات کے مطابق سندھ کے شہر لاڑکانہ کے علاقے خیر پور میں ایس ایس پی آفس کے باہر اپنے سابقہ شوہر کے مظالم اور پولیس کی رشوت ستانی کے خلاف ایک روز قبل تک احتجاج کرنےو الی روزینہ جونیجو کی لاش برآمد ہوئی ہے۔
مقامی صحافیوں کے مطابق روزینہ جونیجو نے احتجاج کے دوران سرکاری اداروں سے تحفظ کی اپیل کی تھی مگر اس بے سہارا اور مظلوم خاتون کی کسی نے نہیں سنی اور آج اس آواز کو ہمیشہ کیلئے بند کردیا گیا ہے۔
سندھ کے مقامی صحافی امتیاز چانڈیو نے اپنے ٹویٹر ہینڈل پر اس مظلوم خاتون کی دوران احتجاج ریکارڈ کروائی گئی ایک ویڈیو شیئر کی جس میں اس کی ہلاکت کے بعد کی تصویر بھی شامل کی گئی ہے، خاتون زاروقطار روتے ہوئے سندھی زبان میں اپنے اوپر ہونے والے مظالم اور پولیس کی بے حسی کی تفصیلات بتاتے ہوئے تحفظ کی اپیل کرتی دکھائی دے رہی ہے۔
ویڈیو میں زرینہ جونیجو کہتی ہیں کہ شوہر زبردستی گھر میں گھس آتا ہے، زبردستی بچہ لیکر گیا ہے۔ کورٹ گئی تو بولا ڈھائی تین لاکھ خرچہ آئے گا۔ ایس ایس پی کے پاس گئی تو کہا بچہ باپ لیکر گیا ہے کوئی اغوا تو نہیں ہوا۔۔ ہر جگہ رشوت ہے، ہم غریب کہاں جائیں؟؟؟
- Featured Thumbs
- https://www.siasat.pk/data/files/s3/zarina11.jpg
