سندھ کے جنوبی علاقے کے کاشتکاروں نے پنجاب کے چولستان میں مجوزہ چھ کینالز کی تعمیر کی مخالفت کی ہے، جس کا خیال ہے کہ یہ منصوبہ ان کی زمینوں کو بنجر بنا دے گا۔ ڈان اخبار کی رپورٹ کے مطابق، سندھ آبادگار بورڈ (ایس اے بی)، سندھ چیمبر آف ایگریکلچر (ایس سی اے) اور سندھ آبادگار اتحاد (ایس اے آئی) کی جانب سے تشکیل دی گئی اینٹی کینالز ایکشن کمیٹی کے تحت کاشتکاروں نےایک ریلی کا اہتمام کیا، جس میں سندھ یونائیٹڈ پارٹی کا ذیلی فورم بھی شامل ہوا۔
مظاہرین نے سینٹرل ڈیولپمنٹ ورکنگ پارٹی (سی ڈی ڈبلیو پی) کے فیصلے پر تنقید کرتے ہوئے کہا کہ اس منصوبے سے سندھ کے لاکھوں لوگوں کی زندگیوں کو خطرے میں ڈال دیا گیا ہے۔ سندھ آبادگار بورڈ کے صدر محمود نواز شاہ نے کہا کہ کاشتکار اس ملک اور سندھ کی خاطر احتجاج کر رہے ہیں اور مجوزہ کینالز کا مقصد نامعلوم ہے۔
انہوں نے مزید کہا کہ اضافی پانی کو ان کینالز کے لیے استعمال کیا جائے گا، اس طرح زرعی زمینیں متاثر ہوئیں گی۔ ان کا کہنا تھا کہ سندھ کے پانی کا مسئلہ ایک صدی سے زیادہ قدیم ہے اور برطانوی حکام نے بھی اس کا اعتراف کیا تھا کہ سندھ میں فصلیں اگانے کے لیے پنجاب سے زیادہ زمین ہے۔
مظاہرین نے وفاقی حکومت کے فیصلوں کو مسترد کرتے ہوئے کہا کہ وہ کسی غیرقانونی فیصلے کو قبول نہیں کریں گے۔ سندھ چیمبر آف ایگریکلچر کے میران محمد شاہ نے بلاول بھٹو زرداری سے مطالبہ کیا کہ وہ کسانوں کی حمایت میں آگے آئیں۔
مظاہرین نے پانی کے مسئلے کی سنجیدگی پر زور دیتے ہوئے کہا کہ یہ صرف سندھ یا پنجاب کا معاملہ نہیں بلکہ پورے ملک کے لوگوں کا ہے۔ انہوں نے کہا کہ اگر یہ کینالز بن گئیں تو سندھ کی زرعی زمینیں بنجر ہو جائیں گی، جو ایک خطرناک صورتحال ہو گی۔
سندھ آبادگار اتحاد کے صدر زبیر تالپور نے منصوبے کے خلاف سوالات اٹھائے، جبکہ نبی بخش سہتو نے انڈس ریور سسٹم اتھارٹی (ارسا) کے اعداد و شمار پیش کرتے ہوئے سندھ کو پانی کی 40 فیصد کمی کی اطلاع دی۔
سندھو دریا بچاؤ کمیٹی کے کنوینر سید زین شاہ نے اس بات کی نشاندہی کی کہ اگر مجوزہ کینالز کی تعمیر شروع ہو گئی تو اگلے دس سالوں میں لوگ سندھ چھوڑنے پر مجبور ہوں گے۔
آخر میں، مظاہرے میں شامل رہنماؤں نے صدر مملکت سے اپیل کی کہ وہ کینالز کی تعمیر کے فیصلے پر نظر ثانی کریں اور مقامی کسانوں کے حقوق کا تحفظ یقینی بنائیں۔
- Featured Thumbs
- https://i.ibb.co/N19p35x/Sindh.jpg
