سمندری طوفان بپر جوائے کے حوالےسے رپورٹنگ کرتے ہوئے ایک بھارتی ٹی وی چینل کی خاتون اینکر نے اوور ایکٹنگ کی انتہا کردی ہے، ویڈیو سوشل میڈیا پر تیزی سے وائرل ہوگئی۔
بھارتی ٹی وی چینلز ریٹنگز کیلئے نت نئے آئیڈیاز اور انوکھے انداز اپنانے میں کبھی نہیں جھیجھکتے، ریٹنگ حاصل کرنے کیلئے انوکھےانداز اپنانے کی ایک ایسی ہی کوشش بھارتی ٹی وی چینلز کی جانب سے سمندری طوفان بپر جوائے کی رپورٹنگ کےحوالے سے کی گئی ، مگر چینل کو معلوم نہیں تھا کہ یہ کوشش الٹی پڑنے والی ہے۔
سوشل میڈیا پر وائرل ہونے والی ویڈیو میں دیکھا جاسکتا ہے کہ ایک سٹوڈیو میں خاتون اینکر ہاتھ میں چھتری پکڑے سکرین پر نمودار ہوتی ہے اور ایسا ادھر ادھر لڑکھراکر ایسا تاثر دینے کی کوشش کرتی ہے کہ تیز ہواؤں کی وجہ سے اس اینکر سے کھڑا ہونا مشکل ہورہا ہے۔
اینکر کے پیچھے سمندری طوفان کی تباہ کاریاں بھی دکھائی جارہی ہیں جن سے متعلق فیکٹ چیک نے انکشاف کیا ہے کہ یہ مناظر بپر جوائے کے نہیں بلکہ ماضی میں امریکی ریاست فلوریڈا میں آنے والے طوفان کے ہیں۔
خاتون اینکر گرتی پڑتی رپورٹنگ کرتے ہوئے کہتی ہے کہ "اس وقت ہم گجرات پہنچ چکے ہیں، یہاں اتنی تیزی سے ہوائیں چل رہی ہیں کہ کھڑا ہونا اور بولنا بھی مشکل ہورہا ہے، کیونکہ بپر جوائے کی وجہ سے اس وقت 150 کلومیٹر فی گھنٹہ کی رفتار سے ہوائیں چل رہی ہیں"۔
خاتون اینکر طوفان کےحوالے سے لوگوں کو احتیاط کرنے کی تجاویز بھی دیتی دکھائی دے رہی ہیں مگر ویڈیودیکھنے والوں کی زیادہ توجہ باتوں کے بجائے ان کی اوور ایکٹنگ پر زیادہ جارہی ہے۔
