سعودی عرب کے وزیر خارجہ شہزادہ فیصل بن فرحان نے اسلامی تعاون تنظیم ’’او آئی سی‘‘ کے وزرائے خارجہ کی کونسل کے 17ویں اجلاس سے خطاب کہا کرتے اعلان کیا کہ ان کا ملک انسانی بحران میں گھرے افغانستان کے لیے ایک ارب سعودی ریال کے فنڈز دے گا۔
سعودی وزیر خارجہ شہزادہ فیصل بن فرحان السعود نے یہ اعلان آج اسلام آباد میں سعودی عرب کی جانب سے بلائے گئے اجلاس کے دوران خطاب میں کیا۔ ان کا کہنا تھا کہ خواتین اور بچوں سمیت افغان عوام مشکلات کا شکار ہیں، وہ مدد کے منتظر ہیں انہوں نے کہا کہ افغانستان میں کشیدہ صورتحال کے خطے اور دنیا پر اثرات مرتب ہو سکتے ہیں۔ ’ہم افغانستان میں امن کے خواہاں ہیں۔
سعودی وزیر خارجہ نے اجلاس میں شرکت پر سکریٹری جنرل او آئی سی اور دیگر نمائندوں کا شکریہ ادا کرتے ہوئے کہا کہ افغانستان میں معاشی بحران مزید خراب ہو سکتا ہے۔ افغانستان کا معاملہ انسانی بنیادوں پر دیکھنا ہوگا۔ یہ بے شک ایک غیر معمولی اجلاس ہے جو کہ افغان عوام کی تکالیف کے حل کے لیے بلایا گیا۔
شہزادہ فیصل بن فرحان السعود نے مزید کہا کہ اقتصادی حالات نے افغانستان میں نہ صرف ایک انسانی المیہ کو جنم دیا ہے بلکہ وہ مکمل تباہی کی جانب بھی جا سکتے ہیں۔ ’او آئی سی کی چھتری تلے ہم مل کر مشترکہ اقدام کر سکتے ہیں۔ افغان عوام کا اتحاد ہی ان کے سلامتی اور بیرونی مداخلت کے خاتمے کا حل ہے۔
انہوں نے کہا کہ ہماری تنظیم کو اس حوالے سے مرکزی کردار ادا کرنا چاہیے۔ سعودی سلطنت نے مختلف طریقوں سے افغانستان امداد کی ہے۔ ہم افغانستان کے لیے ایک ارب سعودی ریال کا فنڈ فراہم کر رہے ہیں۔ سعودی وزیر خارجہ پرنس فیصل بن فرحان السعود نے اجلاس کے انعقاد پر پاکستان کو خراج تحسین پیش کرتے ہوئے کہا کہ پاکستان نے کم ترین وقت میں اجلاس کا انعقاد ممکن بنایا پاکستان کو مبارکباد پیش کرتا ہوں۔
- Featured Thumbs
- https://www.siasat.pk/data/files/s3/saudi-arab111.jpg
