سعودی عرب کی وزارت برائے انسانی وسائل اور سماجی ترقی نے کفیل سے بھاگے ہوئے تارکین وطن کے لیے ایک اہم رعایت کا اعلان کیا ہے۔ وزارت نے تارکین وطن کو 60 دن کا وقت دیا ہے تاکہ وہ اپنی ملازمت چھوڑنے کے بعد اپنی سعودیہ میں مقیم حیثیت کو آن لائن پلیٹ فارم قوا پر درست کرسکیں۔
تارکین وطن جو کفیل کے پاس موجود نہیں ہیں، انہیں یکم دسمبر 2024 سے 29 جنوری 2025 تک نئے آجر (کفیل) کے ساتھ کام کرنے کی اجازت ہوگی۔ یہ موقع خاص طور پر ان کارکنان کے لیے فراہم کیا گیا ہے جو اپنے موجودہ کفیل سے پریشان ہیں، تاکہ انہیں نئی ملازمت حاصل کرنے کا موقع مل سکے۔
قوا پلیٹ فارم کا مقصد غیر ملکی کارکنوں کو اپنے معلومات کو اپ ڈیٹ کرنے اور نئی ملازمتوں کی سہولت فراہم کرنا ہے۔ اس اقدام کے ذریعے سعودی حکومت ایک مستحکم اور حوصلہ افزا ماحول کو فروغ دینے کے ساتھ ساتھ آجروں اور ملازمین کے حقوق کو تحفظ دینے کی کوشش کر رہی ہے۔
وزارت نے حال ہی میں ایک بیان جاری کیا ہے جس میں غیر ملکی کارکنوں کے لیے سروس کی وضاحت کی گئی ہے۔ قوا پلیٹ فارم اب کارکنوں کو تنخواہ کا سرٹیفکیٹ حاصل کرنے کی سہولت بھی فراہم کرتا ہے، جو ان کی موجودہ ملازمت کی تفصیلات کو ظاہر کرتا ہے۔ یہ سرٹیفکیٹ نئی ملازمت کے لیے درخواست دیتے وقت بہت مددگار ثابت ہو سکتا ہے۔
یہ تبدیلیاں وزارت کی جانب سے کارکنوں کو قوا پلیٹ فارم کے ذریعے آسانی سے نئی ملازمتوں تک رسائی فراہم کرنے کے لیے کی گئی ہیں۔ جن کارکنان مہم کا حصہ ہیں، انہیں ٹیکسٹ میسیجز کے ذریعے معلومات فراہم کی جائیں گی کہ انہیں اپنے کام کو کس طرح درست کرنا ہے۔
یہ اقدامات سعودی عرب میں تارکین وطن کارکنوں کو مزید مواقع فراہم کرنے اور ان کی مشکلات کو کم کرنے کے لیے اہم ثابت ہوں گے۔
- Featured Thumbs
- https://i.postimg.cc/WzQWz1Cr/KSA.jpg
