صوبائی دارالحکومت لاہور میں سرکاری ملازمین و عوام وفاقی و نگراں پنجاب حکومت کے خلاف سڑکوں پر نکل آئے ہیں، صحافی برادری بھی عوام کی زبان بن گئی ہے۔
تفصیلات کے مطابق لاہور میں سرکاری ملازمین اور عوام نے وفاقی و نگراں پنجاب حکومت کے خلاف شدید احتجاج کیا، احتجاجی مظاہرے میں شریک مظاہرین نے بدترین مہنگائی، بجٹ میں سرکاری ملازمین کیلئے پنشنز میں اضافہ نا کرنے اور دیگر مظالم کے خلاف پلے کارڈز اٹھا رکھے تھے۔
مظاہرین کے مطابق وفاقی حکومت نے بجٹ میں سرکاری ملازمین کی تنخواہوں میں 30 فیصد اضافے کا اعلان کیا ، تاہم بعد میں پتا چلا کہ یہ اضافہ موجودہ بنیادی تنخواہ کے بجائے بھرتی کےوقت کی بنیادی تنخواہ کے حساب سے کیا جائے گا، اس سے سرکاری ملازمین کی تنخواہوں میں بہت ہی کم اضافہ ہوا جبکہ پنشنز میں صرف 5 فیصد اضافہ ہوا ہے۔
سینئر صحافی و تجزیہ کار صابر شاکر نے مظاہرین کی ویڈیو شیئر کرتے ہوئے کہا کہ شدید مہنگائی اور حکومتی ظلم و ستم کیخلاف سخت گرمی کے موسم میں بوڑھے بزرگ پنشنرز بھی رل گئے اور احتجاج پر مجبور ہوگئے۔
صابر شاکر نےمزید کہا کہ بجٹ میں ترقیاتی بجٹ کے نام پر اربوں روپے کی سیاسی رشوت دی گئی اور پنشنزز کا حق ماردیا گیا۔
نسیم کھیڑا نے بھی مظاہرین کی ویڈیو شیئر کی اور کہا کہ یہ آج لاہور کے مناظر ہیں جوبکاؤ میڈیا نہیں دکھائے گا، حکومت کے خلاف لاہور میں سرکاری اساتذہ احتجاج کررہے ہیں، لاہور جعلی وزیراعلی کے خلاف نعروں سے گونج اٹھا ہے۔
صحافی محمد عمیر نے کہا کہ لاہور میں پنجاب بھر کے اساتذہ کا لاہور میں احتجاج کررہےہیں، کیونکہ پنجاب حکومت نے سرکاری ملازمین سے فراڈ کیا ہے، حکومت نے ملازمین کی تنخواہوں میں بہت ہی کم اضافہ کیا جبکہ پنشنز میں صرف 5 فیصد اضافہ ہوا ہے۔
ایڈووکیٹ سلمان شاہد نے کہا کہ لاہور میں ہر طرف لوگوں کا احتجاج جاری ہے مگر ہمارا میڈیا خاموش ہے، محنت کش طبقہ سراپا احتجاج ہے، افسوس کی بات ہے کہ میڈیا ان غریبوں کی آواز نہیں بن رہا۔
دعائے زینب نے لکھا کہ لاہور میں لوگ مہنگائی اور حکومتی ظلم و ستم کے خلاف سڑکوں پر نکل آئے ہیں، مگر یہ بکاؤ میڈیا یہ مناظر نہیں دکھارہا۔
- Featured Thumbs
- https://www.siasat.pk/data/files/s3/9lahoreprrtet.jpg
