طالبان کے اقتدار سنبھالنے پر کسی کو بتائے بغیر ملک سے فرار ہونے والے سابق صدر اشرف غنی پر 16 کروڑ اور 80 لاکھ ڈالر بریف کیس میں بھر کر لے جانے کا الزام تھا تاہم اب ایک رپورٹ میں پتہ چلا ہے کہ دراصل وہ کتنی رقم اپنے ساتھ لے گئے ہیں۔
امریکی اخبار نے بتایا کہ افغان صدر پر 16 کروڑ 80 لاکھ ڈالر بریف کیس میں بھر کر ہیلی کاپٹر میں لے جانے کے الزامات ہیں جب کے اس کے علاوہ بھی صدارتی محل سے 50 لاکھ ڈالر غائب تھے گئے۔
نیشنل ڈائریکٹوریٹ آف سیکیورٹی کی والٹ سے کئی ملین ڈالر بھی لیے گئے اور افغان حکومت کے بینک اکاؤنٹس سے بھی لاکھوں ڈالر غائب تھے۔ افغان حکومت اور اس کی فوج کے خاتمے کی تفصیلات پر مبنی امریکی حکومت کے نگران ادارے اسپیشل انسپکٹر جنرل فار افغانستان ری کنسٹرکشن یعنی سیگر نے بھی اپنی عبوری رپورٹ میں ان گمشدہ رقموں کی تصدیق کی ہے۔
اسپیشل انسپکٹر جنرل فار افغانستان ری کنسٹرکشن نے اشرف غنی پر لاکھوں ڈالرز چوری کرکے لے جانے کی جانچ کی۔ اور پتہ چلا کہ سابق افغان صدر اشرف غنی ملک سے فرار ہوتے ہوئے ہیلی کاپٹرز میں کروڑوں ڈالرز نہیں بلکہ 10 لاکھ ڈالرز سے کم رقم لیکر گئے تھے۔
سیگر کی تحیقاتی رپورٹ میں کہا گیا ہے کہ کروڑوں ڈالرز لے جانے کا امکان کم پایا گیا ہے تاہم سابق صدر کچھ نقد رقم ضرور لے کر گئے جو 10 لاکھ ڈالرز سے زیادہ نہیں تھی ممکن ہے یہ 5 لاکھ ڈالرز ہوں۔ سیگر نے عینی شاہدین اور ملکی عہدیداروں کے انٹرویوز کیے جنہوں نے گواہی دی کہ جتنی بڑی رقم کا الزام لگایا جا رہا ہے اتنی نقد رقم کے کوئی آثار نظر نہیں آئے۔
عینی شاہدین اور عہدیداروں کی گواہی اپنی جگہ لیکن سیگر کو اپنی تحقیق کے دوران صدارتی ہاؤس، نیشنل ڈائریکٹوریٹ آف سیکیورٹی اور افغان بینک سے غائب ہونے والے کروڑوں ڈالرز کا کچھ پتہ نہ چل سکا۔
- Featured Thumbs
- https://www.siasat.pk/data/files/s3/3ashadtfghanifrararraqm.jpg
