رکن قومی اسمبلی سائرہ بانوکا ایک کلپ سوشل میڈیا پر وائرل ہورہا ہے جس میں وہ صحافی کے کسی سوال کا جواب نہیں دیتیں اور خاموش رہتی ہیں لیکن انکی خاموشی ہی ہر سوال کا جواب دے دیتی ہے۔
ایک صحافی نے سائرہ بانو سے پوچھا کہ پاکستان کے حالات ایسے ہیں کہ ڈیفنس بجٹ بڑھانے کی ضرورت پیش آئی؟ اس پر سائرہ بانو بول کر کوئی جواب نہیں دیتی اور اپنے فیس ایکسپریشنز سے اور خاموشی سے جواب دیتی ہیں۔
صحافی سائرہ بانو کا جواب سمجھ جاتے ہیں اور انکا شکریہ ادا کرتے ہیں۔
حامد میر نے اس کلپ پر تبصرہ کرتے ہوئے لکھا کہ یہ مسلم لیگ ف سے تعلق رکھنے والی سائرہ بانو ہیں۔ قومی اسمبلی میں اپوزیشن کی چند آوازوں میں سے ایک۔ وہ بغیر بولے بولنا جانتی ہیں۔
ملک ندیم نے کہا کہ مجھے لگتا ہے بہت سارے لوگوں کو سائرہ بانو کے انداز میں چھپا طنز سمجھ نہیں آیا کیونکہ وہ اس میں یہ بتانا چاہتی ہیں کہ بھیا پاکستان میں بغیر سیکورٹی خطرات کے بھی دفاعی بجٹ بڑھانا پڑتا ہے کیونکہ اگر دفاعی بجٹ نہ بڑھاۓ تو پھر دفاع والوں سے ہی خطرہ رہتا ہے ،
دیگر سوشل میڈیا صارفین نے بھی کہا کہ سائرہ بانو نے سابق ڈی جی آئی ایس پی آر کے اس بیان کی توثیق کردی ہے کہ خاموشی کی بھی زبان ہوتی ہے۔
- Featured Thumbs
- https://www.siasat.pk/data/files/s3/sairahahsh.jpg
