روس کے یوکرین پر حملوں کے بعد پاکستان سمیت ایشیائی سٹاک مارکیٹس کریش کرگئیں۔ جاپان، آسٹریلیا، چین، سنگاپور اور دیگر اسٹاک مارکیٹس میں 3 فیصد تک مندی ریکارڈ کی گئی ہے۔
سینسیکس انڈیکس میں 1400 پوائنٹس سے زائد مندی دیکھنے میں آئی ہے، جبکہ ممبئی میں دوران ٹریڈنگ انڈیکس 55ہزار 800 پوائنٹس کی سطح پر موجود ہے۔
شدید مندی نے پاکستان سٹاک ایکسچینج کو بھی اپنی لپیٹ میں لے لیا۔ کاروباری دن کے آغاز پر پاکستان سٹاک مارکیٹ میں 1000 کے قریب پوائنٹس کی کمی دیکھنے میں آئی
پاکستان سٹاک مارکیٹ اس وقت 900 کے قریب ٹریڈ کررہی ہے اور 2 فیصد کمی دیکھنے میں آئی ہے۔
علاوہ ازیں کرپٹوکرنسی مارکیٹ میں بھی شدید مندی کا رجحان دیکھنے میں آیا اور مختلف کرپٹو کرنسی میں 14 فیصد تک کمی دیکھنے میں آئی۔
بڑے زرعی ملک یوکرین پر حملے کے بعد بین الاقوامی سطح پر غلے کی قیمتوں میں 5 فیصد تک اضافہ ہوا ہے۔ سنگاپور کی مارکیٹس میں گندم کی قیمت میں 5.5 فیصد، مکئی میں 4 اور سویابین کی قیمت میں 2 فیصد تک اضافہ ہوا ہے ۔
روسی صدر پیوٹن نے آج اپنے خطاب میں یوکرائن میں فوجی آپریشن کا اعلان کیا تو عالمی منڈی میں خام تیل کی قیمتیں ایک بار پھر 100 ڈالر سے بھی اوپر پہنچ گئیں۔
خدشہ ظاہر کیا جارہا ہے کہ یوکرائن اور روس تنازعہ کے بعد نہ صرف تیل اور گیس بلکہ غلے کی قیمتیں بھی بڑھیں گی کیونکہ روس او ریوکرین گندم کے بھی بڑے پیداواری ممالک میں شمار ہوتے ہیں۔
- Featured Thumbs
- https://www.siasat.pk/data/files/s3/asian1111.jpg
