رواں مالی سال کی پہلے 6 ماہ میں ترسیلات زر میں کتنے فیصدکمی ریکارڈکی گئی؟

وزارت خزانہ نے کہا ہے کہ رواں مالی سال کے دوران مالیاتی خسارے اور حسابات جاریہ کے کھاتوں کے توازن کے حوالے سے پیش رفت ہوئی ہے۔

ماہانہ رپورٹ کے مطابق پہلے 6 ماہ میں ترسیلات زر میں سالانہ 11.21 فیصد کمی ہوئی۔ جولائی سے دسمبر تک پاکستانیوں نے 14.1 ارب ڈالر کا زرمبادلہ بھیجا۔

اس مدت میں برآمدات کا حجم 14.2 ارب ڈالر رہا جو گزشتہ سال کے مقابلے میں 6.8 فیصد کم ہے۔ حسابات جاریہ کے کھاتوں کے خسارے میں سالانہ بنیادوں پر 59.7 فیصد کمی ہوئی۔ حسابات جاریہ کے کھاتوں کا خسارہ 3.7 ارب ڈالر رہا۔

دوسری جانب براہ راست غیرملکی سرمایہ کاری میں 58.7 فیصد کمی ہوئی۔ 27 جنوری کو اسٹیٹ بینک کے پاس زرمبادلہ ذخائر 3.087 ارب ڈالر اور کمرشل بینکوں کے پاس 5.656 ارب ڈالر تھے۔

یاد رہے کہ گزشتہ مالی سال کے دوران اسٹیٹ بینک کے پاس 15.750 ارب ڈالر اور کمرشل بینکوں کے پاس 6.353 ارب ڈالر تھے۔

 

[Masud Rajaa]

The rogue army has destroyed the country

 

[miafridi]

Corrupt PDM beggars and their shameless handlers have always ruined Pakistan.

 

[!n5aNiTy]

Those who r still sending through banks are stupid as fu**