یوں تو ٹی وی ڈرامے گھریلو تنازعوں سے لے کر سماجی اقدار و روایات اور معاشرے میں موجود دیگر برائیوں سمیت مختلف موضوعات کی عکاسی کرتا ہے، اسی طرح کچھ موضوعات ایسے ہیں جو مذہب اور معاشرے دونوں کے حوالے سے متنازع ہوتے ہیں جن میں سے ایک رضاعی بھائی بہن کی شادی ہے جو کہ اسلام میں حرام ہے۔
حال ہی میں نجی ٹی وی پر ایک ڈرامہ "جدا ہوئے کچھ اس طرح" نشر کیا جارہا ہے جس میں ایک شادی شدہ جوڑے کے بارے میں دعوی کیا گیا ہے کہ وہ دونوں رضاعی بھائی بہن ہیں۔
ڈرامے کے اس ٹیزر ٹریلر کے نشر ہونے کے بعد سے سوشل میڈیا صارفین کی جانب سے شدید غصے کا اظہار کیا جا رہا ہے۔
سوشل میڈیا صارف انجم ایچ فاروقی کا کہنا تھا کہ یہ چینل اخلاقی گراوٹ کا شکار ہیں، اور لوگوں کو بھی گمراہ کر رہے ہیں۔
سرشار نامی صارف کا کہنا تھا کہ کیا کوئی چینل کی انتظامیہ کو اس نچلے درجے کے ڈرامہ کے بارے میں مطلع کرسکتا ہے۔
ایک اور سوشل میڈیا صارف کا کہنا تھا کہ اور کوئی سٹوری نہیں ملی جو اس پک رشتے کو خراب کرنے آگئے ہیں۔
ایک صارف نے کہا کہ اس طرح کے بہودہ ڈرامے کو بین ہونا چاہیے ہم ٹی وی۔
ایک اور صارف نے کہا کہ ایسے ٹی وی چینلز پر بھی پابندی ہونی چاہیے جو پاکستان میں اس قسم کے متنازعہ ڈرامے پیش کرتے ہیں۔
ارمغان خان نامی صارف نے پیمرا کو آڑے ہاتھوں لیتے ہوئے کہا کہ کیا پیمرا سو رہا ہے؟ برائے مہربانی کوئی اس بیہودگی کا نوٹس لے اور ہم ٹی وی کا لائسنس منسوخ کرے۔
- Featured Thumbs
- https://i.ibb.co/6rQLY1G/shadi.jpg
