راولپنڈی ایکسپریس کے نام سے مشہور پاکستان کے سابق فاسٹ بولر شعیب اختر اب کبھی دوڑ نہیں پائیں گے۔
یہ خبر سابق فاسٹ بولر نے سماجی روابط کی ویب سائٹ ٹوئٹر پر دی۔ ان کا کہنا تھا کہ وہ اب دوڑ نہیں سکیں گے اور گھٹنوں کی مکمل سرجری کے لیے جلد آسٹریلیا روانہ ہو رہے ہیں۔
انہوں نے جوگنگ کے بعد کی تصویر شیئر کرتے ہوئے مداحوں کو مطلع کیا جس پر کئی مدا افسردہ ہو گئے اور انہوں نے شعیب اختر کیلئے نیک خواہشات کا اظہار کیا۔
یاد رہے کہ شعیب اختر بچپن سے ہی گھٹنوں کی بیماری میں مبتلا ہیں تاہم اس عارضے کے باوجود وہ دنیا کے تیز ترین فاسٹ باؤلر بنے اور اتنی تیز گیند کروائی کہ ان کا ریکارڈ آج تک کوئی نہیں توڑ سکا۔
وہ اپنے انٹرویوز میں کئی بار بتا چکے ہیں کہ جب وہ پاکستان کرکٹ ٹیم کیلئے کھیلا کرتے تھے تو میچ سے پہلے ڈاکٹرز انجیکشن کے ذریعے ان کے گھٹنوں سے پانی نکالا کرتے تھے۔
- Featured Thumbs
- https://www.siasat.pk/data/files/s3/shoaib%20not%20run.jpg
Last edited:
