
پی ٹی آئی رہنما اور سابق صوبائی وزیر صحت ڈاکٹر یاسمین راشد کا کہنا ہے کہ رانا ثنا اللہ ایک بار باہر تو نکلو تمہارے لیے عورتیں ہی کافی ہیں۔ انہوں نے پولیس کی کلینک آمد سے متعلق کہا کہ انہیں مجھ سے پیار ہی بہت ہے۔
ذرائع ابلاغ پر چلنے والی خبروں کے مطابق پی ٹی آئی رہنما یاسمین راشد کے کلینک کے باہر پولیس کے پہنچنے سے متعلق صحافی نے سوال کیا کہ پولیس آپ کے کلینک کیوں آئی تھی؟ جس پر یاسمین راشد نے کہا کہ کیا کریں پولیس کو مجھ سے پیار ہی بہت ہے۔
انہوں نے کہا کہ وزیر داخلہ کو مخاطب کرتے ہوئے کہا کہ رانا ثنا اللہ تم ایک بار باہر تو نکلو تمہارے لیے ہم عورتیں ہی کافی ہیں۔ یہ عوام کے لیے نہیں آئے بلکہ خود کو بچانے آئے ہیں حکومت خدا کا خوف کرے 60 روپے پیٹرول کی قیمت بڑھا دی ہیں۔ ایک سوال کے جواب میں انہوں نے کہا کہ آئندہ انتخابات میں انشااللہ جیت عمران خان کی ہوگی۔
یاد رہے کہ پی ٹی آئی کے حقیقی آزادی مارچ کے دوران پولیس اہلکاروں نے یاسمین راشد کے کلینک پر چھاپہ مارا تھا اور ان کو گرفتار کرنے کی کوشش کی گئی تھی جس پر اہلکاروں کو مزاحمت کا سامنا کرنا پڑا۔ اس دوران انہیں اپنے لوگوں کے ساتھ پولیس کے سامنے ڈٹے دیکھا گیا تھا۔