پاکستان کے سابق کرکٹر عمر گل نے کرکٹ سے ریٹائرمنٹ کی وجہ بتاتے ہوئے کہا کہ ایک دوست کی وفات کی وجہ سے ریٹائرمنٹ لی۔
تفصیلات کے مطابق سابق فاسٹ باؤلر عمر گل ایک انٹرویو کے دوران کرکٹ سے ریٹائرمنٹ اور ایک قریبی دوست کی وفات کا ذکر کرتے ہوئے آبدیدہ ہوگئے ، انہوں نے کہا کہ میں اس دوست کیلئے کراچی آتا تھا۔
عمر گل نے کہا کہ میرا ایک کلیم نام کا دوست تھا، یہ دوستی 2004 میں شروع ہوئی، وہ میرا ایسا دوست تھا کہ جب میں اس کو دیکھتا تھا تو وہ سمجھ جاتا تھا میرے دل میں کیا ہے، کورونا کے پہلے سال میں عید سے دو دن پہلے ایک ٹریفک حادثے میں اس کی ڈیتھ ہوگئی۔
عمر گل نے مزید کہا کہ میں کراچی صرف اس کیلئے آتا تھا، وہ کراچی میں نہیں تھا تو میں نے فیصلہ کیا ریٹائر منٹ لے لوں، میں نےآج تک یہ وجہ اپنی اہلیہ کو بھی نہیں بتائی۔
انہوں نے مزید کہا کہ میں آج بھی اپنے دوست کو بہت یاد کرتا ہوں،، مجھے آپریشن کیلئے کراچی آئے ہوئے ایک ماہ ہوگیا ہےاس دوران میں نے کسی دوست سے باہر چلنے کا نہیں کہا ، میرا اب کراچی آنے کو دل نہیں کرتا، کیونکہ یہاں میری بہت سی یادیں ہیں، اس حادثے کے بعد میری زندگی تبدیل ہوگئی تھی، سب کچھ میرے دل سے اتر گیا ہے۔
- Featured Thumbs
- https://www.siasat.pk/data/files/s3/16umargulkskkskretrir.png
۔
