دنیائے فٹبال کے مشہور کھلاڑی رونالڈو کا یوٹیوب پر بھی ریکارڈ قائم
پرتگال کے مقبول ترین فٹبالر کرسٹیانو رونالڈو یوٹیوب پر بھی آتے ہی چھاگیے, رونالڈو نے دو روز قبل یوٹیوب پر اپنا چینل یو آر کرسٹیانو بنایا, چینل بنتے ہی فٹبال کے بعد اب یوٹیوب پر بھی اپنی مقبولیت دنیا کو دکھا دی,میڈیا رپورٹ کے مطابق کرسٹانو رونالڈو نے یوٹیوب چینل بنا کر صرف ڈیڑھ گھنٹے میں ایک ملین سبسکرائبر حاصل کرنے کا ریکارڈ قائم کر لیا۔
رونالڈو نے یوٹیوب چینل کا نام UR · Cristiano رکھا ہے جس نے صرف ڈیڑھ گھنٹے میں 10 لاکھ سبسکرائبر حاصل کرکے اہم سنگ میل حاصل کرلیا,ریکارڈ وقت میں سبسکرائبر کی یہ تعداد حاصل کرکے رونالڈو نے نئی تاریخ رقم کی ہے۔
تجزیہ کاروں کے مطابق میٹا کی ملکیت سوشل میڈیا ایپ انسٹا گرام پر سب سے زیادہ فالوورز رکھنے والے رونالڈو کے یوٹیوب چینل کی تیزی سے بڑھتی مقبولیت اسے دنیا کا سب سے مقبول ہوتا یوٹیوب چینل بناسکتی ہے۔
اب تک رونالڈو کے یوٹیوب چینل پر سبسکرائبر کی تعداد 12 ملین تک جا پہنچی جس میں اضافہ ہوتا جا رہا ہے,کرسٹیانو رونالڈو نے اپنے چینل سے متعلق بتایا کہ وہ اس پر اپنی زندگی کے مختلف پہلو شئیر کریں گے جو ان کے مداح نہیں جانتے۔
خیال رہے کہ امریکی یوٹیوبر مسٹر بیسٹ (MrBeast) 311 ملین سبسکرائبر کے ساتھ دنیا میں پہلے نمبر پر ہیں,عالمی شہرت یافتہ پرتگالی فٹبال کرسٹیانو رونالڈو نے یوٹیوب چینل لانچ کرنے کے ایک دن بعد ہی گولڈن بٹن حاصل کر لیا۔
کرسٹیانو رونالڈو نے 2 عالمی ریکارڈز اپنے نام کرنے اور یوٹیوب کی جانب سے گولڈن بٹن ملنے پر اپنے مداحوں کی محبت اور حمایت پر ان کا شکریہ ادا کیا ہے۔اُنہوں نے یوٹیوب پر اپنی فیملی کے ہمراہ ایک ویڈیو شیئر کی جس میں اُنہیں اور ان کے بچوں کو یوٹیوب کی جانب سے ملا ’گولڈن پلے بٹن‘ حاصل کرنے کے بعد پُرجوش دیکھا جا سکتا ہے۔
- Featured Thumbs
- https://www.siasat.pk/data/files/s3/ronaldo-youtube.jpg
