عرب ممالک میں سوشل میڈیا پر بھارتی مصنوعات کے بائیکاٹ کیلئے مہم زور و شور سے جاری ہے جس کا مقصد بھارتی شہر آسام میں مسلمانوں پر ہونے والے مظالم اور قتل عام کے خلاف آواز اٹھانا ہے۔
خبررساں ادارے کی رپورٹ کے مطابق بھارتی شہر آسام میں ایک مسلمان شخص پر کیے گئے مظالم کے ایک تازہ ترین کی ویڈیو سوشل میڈیا پر وائرل ہوئی ہے ،
اس ویڈیو کے وائرل ہوتے ہی دنیا بھر میں موجود مسلمانوں نے ایک بار پھر بھارتی حکومت کے مسلم کش اقدامات کی شدید الفاظ میں مذمت کی ہے۔
برطانوی نشریاتی ادارے بی بی سی کی رپورٹ کے مطابق دنیا بھر کے مسلمانوں میں آسام میں ہونے والے مظالم کے خلاف شدید غم و غصہ پایا جاتا ہے، اسی طرح عرب ممالک میں رہنے والے مسلمانوں نے بھی بھارتی مظالم کے خلاف آواز اٹھاتے ہوئے بھارتی مصنوعات کے بائیکاٹ کا مطالبہ بھی کرناشروع کردیا ہے۔
رپورٹ کے مطابق عرب ممالک کے سوشل میڈیا پر ہیش ٹیگ" بھارت مسلمانوں کو قتل کرتا ہے" سمیت بھارت مخالف متعدد ہیش ٹیگز ٹرینڈ کررہے ہیں جن کا مقصد بھارتی مظالم کو دنیا بھر میں بے نقاب کرنا اور بھارت کو مسلمانوں کے قتل عام کو بند کرنے پر مجبور کرنا ہے۔
یادرہے کہ آسام کی حکومت کافی عرصے سے لاکھوں افراد کی کچی بستیوں سے علاقہ خالی کروانے کی مہم چلائے ہوئے ہے جس میں ہونے والے تصادم میں ایک شخص ہلاک ہوا جس کی لاش سے بے حرمتی کی ویڈیو بھی سوشل میڈیا پر وائرل ہورہی ہے۔
- Featured Thumbs
- https://i.imgur.com/SbhIaKj.jpg
