مسلمانوں کے لئے خوشخبری آگئی، حرمین شریفین انتظامیہ نے حجر اسود کو ورچوئل دیکھنے کا آغاز کر دیا، اب مسلمان وی آر ٹیکنالوجی کی مدد سے کعبۃاللہ میں نصب حجراسود یعنی جنت کے پتھر کا دیدارکر سکیں گے اور بوسہ دے سکیں گے۔
غیر ملکی خبر رساں ادارے کے مطابق اس حوالے سے حرمین شریفین انتظامیہ کے سربراہ اعلیٰ ڈاکٹرعبدالرحمٰن السدیس نے اعلان کیا، انہوں نے کہا ہے کہ یہ انیشیٹیو ڈیجیٹل ایگزی بیشن نے ام القریٰ یونیورسٹی کے ماتحت خادم حرمین شریفین حج و عمرہ ریسرچ انسٹی ٹیوٹ کے تعاون سے متعارف کرایا ہے۔ ٹیکنالوجی کی مدد سے حجر اسود کو ورچوئل دیکھنے، اسے بوسہ دینے اورمحسوس کرنے کے لیے حقیقی منظر جیسا ماحول فراہم کرنا ہے۔
ان کا کہنا تھا کہ اس کا مقصد ہے کہ جو لوگ جدید ٹیکنالوجی کے ذریعے حجر اسود پر نظر ڈالیں تو وہ خود کو اپنے پورے وجود کے ساتھ مسجد الحرام میں خانہ کعبہ کے سامنے محسوس کریں اور اس حوالے سے اپنا خواب پوراکر سکیں۔ سعودی حکومت فرضی منظر جدید ٹیکنالوجی کی مدد سے کچھ اس طرح سے پیش کر رہی ہے کہ اس پر حقیقت کا گمان ہوتا ہے جبکہ حجر اسود اور اس کے اطراف کے مناظر ورچوئل سسٹم سے ممکن بنائے جا رہے ہیں۔
رواں سال مئی میں سعودی عرب نے حجراسود کی انتہائی قریب سے نئی تصاویرجاری کی تھیں۔جدید ٹیکنالوجی کا استعمال کرکے لی جانی والی تصاویرمیں حجراسود کےایسے زاویے سامنے آئے جوپہلے کبھی نہیں دیکھے گئے تھے۔
- Featured Thumbs
- https://www.siasat.pk/data/files/s3/hajj-aswd.jpg
