لاہور (92 نیوز) - جڑانوالہ واقعہ کی تحقیقات میں ہولناک انکشافات سامنے آ گئے، ذرائع کے مطابق بدنام زمانہ بھارتی خفیہ ایجنسی کے ملوث ہونے کے ٹھوس شواہد مل گئے۔
واقعہ منصوبہ بندی کے تحت مسلم، مسیحی فسادات پھیلانے کی مذموم سازش تھی، دشمن کے ہاتھوں میں کھیلنے والوں نے توہین آمیز کلمات لکھے اور مذہبی مقامات کے قریب پھینکے۔
مقامی مسلم آبادی کو ملوث کرکے مسیحی چرچ، آبادی، املاک کو نقصان پہنچایا گیا، کئی گرفتار ملوث عناصر سے مزید تفتیش جاری ہے، تمام کڑیاں بھارت سے مل رہی ہیں۔
Source
: (دنیا نیوز) جڑانوالہ میں مسیحی آبادی، گرجا گھروں، سرکاری املاک پر حملے، نذر آتش کرنے کے گھناؤنے واقعہ کی تحقیقات میں اہم ترین پیشرفت ہوئی، ہولناک انکشافات سامنے آ گئے۔
ذرائع کے مطابق جڑانوالہ واقعہ میں ہندوستان کی بدنام زمانہ خفیہ ایجنسی کا کردار کھل کر سامنے آ گیا، ٹھوس شواہد مل گئے، پوری منصوبہ بندی کے ساتھ یہ واقعہ مسلم، مسیحی فسادات پھیلانے کی گہری مذموم سازش تھی۔
پاکستان میں پُرامن بسنے والی اقلیتوں، مسلمان آبادی میں اختلافات اور نفرت کا بیج بونے کی گھناؤنی سازش کی گئی، بھارتی ایجنسی کے لے پالکوں نے چند لوگوں کو ورغلا کر مسیحی برادری کے خلاف منظم انداز میں استعمال کیا۔
ذرائع کے مطابق دشمن کے ہاتھوں کھیلنے والوں نے کاغذ کے ُپرزوں پر توہین آمیز کلمات لکھے، مذہبی مقامات کے قریب پھینکے، کاغذ کے پُرزوں پر توہین آمیز تحریر کے ساتھ مسیحی افراد کے نام اور فون نمبر بھی تحریر تھے۔
مقامی مسلم آبادی کو واقعے میں ملوث کر کے مسیحی چرچ، آبادی، املاک کو نقصان پہنچایا گیا، بھارتی خفیہ ہاتھ نے اپنے ملک، مقبوضہ کشمیر میں اقلیتوں، کشمیریوں پر انسانیت سوز مظالم سے توجہ ہٹانے کے لیے سازش کی۔
ذرائع کے مطابق کئی گرفتار ملوث عناصر سے مزید تفتیش اور واقعے کی تحقیقات جاری ہے، تمام کڑیاں بھارت سے مل رہی ہیں۔
Source
