پاکستان تحریک انصاف کی رہنما صنم جاوید نے جیل سے ایک خط لکھ کر اخلاقیات کا درس دینے والے ن لیگی رہنماؤں کو منہ توڑ جواب دیدیا ہے۔
تفصیلات کے مطابق سوشل میڈیا پر پی ٹی آئی رہنما صنم جاوید خان کا ایک خط وائرل ہورہا ہےجس میں انہوں نے ن لیگی رہنماؤں کو لتاڑتے ہوئے کہا ہے کہ جہاز سے خواتین کی جعلی غیر اخلاقی تصاویر پھینکنے والے ، خواتین کو کوڑا کرکٹ اور ٹریکٹر ٹرالی کہنے والے، باپردہ خاتون کا مذاق اڑانے والے کس منہ سے اخلاقات کی بات کرتے ہیں۔
انہوں نے مزید کہا کہ کسی مسلمان کو یہودی کہنے والے،خانہ کعبہ میں بیٹھ کر جج کو خریدنے والے، آدھی رات کو تنظیم سازی کرنے والے، کسی خاتون کی عدت و نکاح پر پراپیگنڈہ کرنے والے، موبائل میں گندی ویڈیوز رکھنے والے اور قطریوں سے تحفے لینے والے ہمیں اخلاقیات، تربیت اور زبان پر درس دیتے ہیں۔
صنم جاوید نے کہا کہ ان کو جواب دینے پر ہمیں بدتمیز کہا جاتا ہے ، یہ لوگ چاہتے ہیں کہ ہم صرف فرشتے رہیں، ہم نے ان کی زبان میں تو کوئی جواب دیا ہی نہیں ہے۔
سوشل میڈیا پر اس خط کے وائرل ہونے پر پی ٹی آئی کارکنان اور سوشل میڈیا صارفین نے صنم جاوید کی بہادری کو سلام پیش کیا اور جیل میں بیٹھ کرمخالفین کی دھلائی کرنےپر خراج تحسین پیش کیا۔
احمد نامی صارف نے خط شیئر کرتے ہوئے کہا کہ صنم جاوید خان نے ن لیگ کو لتاڑ کررکھ دیا۔
ابو زین اعوان نے ن لیگیوں کو مشورہ دیا کہ اس خط سے دور رہیں ورنہ ان میں غیرت جاگنے کے شدید خطرہ ہے۔
مدثر رحمان نے کہا کہ اس خط کا ایک ایک لفظ گواہی دے رہا ہے کہ یہ لوگ گزشتہ کئی ماہ سے جیل میں قید بے گناہ خواتین کارکنان کو ظلم و جبر سے بھی نہیں توڑ سکے۔
ایک صارف نے صنم جاوید کو شیرنی قرار دیتے ہوئے کہا کہ ن لیگیوں کی اچھی دھلائی کردی ہے۔
ڈاکٹر سعدیہ نے کہا کہ صنم جاوید نے جیل میں بیٹھ کر بھی ن لیگیوں کی نیندیں حرام کرررکھی ہیں۔
- Featured Thumbs
- https://www.siasat.pk/data/files/s3/8samamjajbebmlnnlelltlt.png
