ڈھائی ماہ سے سویا بین اور کنولا کے پھنسے ہوئے جہازوں کو تاحال ریلیز نہیں کیا جا سکا جس کے باعث پاکستان پولٹری ایسوسی ایشن اس قدر تنگ ہے کہ تنظیم کی جانب سے آج کے اخبار میں اشتہار دیا گیا ہے جس میں وزیراعظم سے اپیل کی گئی ہے کہ اس سے وابستہ لوگ تباہ ہو چکے ہیں۔
وزیراعظم کے نام دیئے گئے اس اشتہار میں کہا گیا ہے کہ آج لاہور میں مرغی کے گوشت کی قیمت 520 روپے فی کلو ہے جو یکم نومبر 2022 کو 358 روپے فی کلو تھی۔ مہنگائی کے اس دور میں پاکستانی عوام پر 142 کروڑ روپے روزانہ کا اضافی بوجھ لاد دیا گیا ہے۔
پاکستان پولٹری ایسوسی ایشن کا کہنا ہے کہ 2 ماہ سے سویا بین اور کنولا کے پھنسے ہوئے جہازوں کو تا حال ریلیز نہیں کیا جا سکا۔ پولٹری اور سالونٹ کی صنعت اربوں روپے کا نقصان کر چکی ہے۔ اور اس نقصان میں دن بہ دن مزید نقصان ہورہا ہے جو برداشت سے باہر ہے۔
پولٹری ایسوسی ایشن اور پاکستان سالونٹ ایکسٹریکٹر کا مؤقف ہے کہ صرف جہازوں کی ڈیمرج کی مد میں چار لاکھ ڈالر روزانہ زرمبادلہ کا نقصان جو رہا ہے۔ جو لوگ آپ کو یہ بتا رہے ہیں کے پولٹری فیڈ سویا بین کے بغیر بن سکتی ہے وہ آپ کو گمراہ اور ملک کو تباہی کی طرف لے جا رہے ہیں۔
Last edited by a moderator:
