جائیداد کے لالچ نے خون سفید کردیا، بھارتی ریاست کیرالا میں سفاک باپ نے جائیداد کے تنازع پر بیٹے، بہو اور دو معصوم پوتیوں کو آگ لگا کر زندگی کا خاتمہ کردیا،مقامی پولیس کے مطابق سفاک باپ نے پہلے گھر کو باہر سے تالا لگایا اور پھر مکان کے اندر پیٹرول پھینک کر آگ لگا دی، پولیس نے کارروائی کرتے ہوئے ملزم کو گرفتار کرلیا۔
پولیس کے مطابق تفتیش کے دوران ملزم نے اعتراف جرم بھی کرلیا ہے،اس نے باقاعدہ منصوبہ بندی کے تحت اپنے خاندان کی جان لی، باپ نے گھر کی ٹینکی سے پانی بھی ختم کردیا تھا تاکہ کوئی آگ کو بجھا نہ سکے۔
کیرالا پولیس نے کے مطابق شدید آتشزدگی کے باعث پڑوسی بھی مدد نہیں کرپائے،قانون نافذ کرنے والے اداروں کے اہلکار اور ریسکیو عملے نے آگ پر قابو پانے کے بعد لاشوں کو اسپتال منتقل کیا۔
بھارتی پولیس نے بتایا کہ جائے وقوع پر باپ اور بیٹی کی لاش آپس میں لپٹی ملی،ممکنہ طور پر آگ لگنے پر دونوں نے ایک دوسرے کو گلے لگا لیا تھا جس کی وجہ سے باپ بیٹی کے مردہ جسم کو الگ کرنے میں بھی مشکلات کا سامنا رہا۔
- Featured Thumbs
- https://www.siasat.pk/data/files/s3/kerala1i1.jpg
