پاکستان میں اس وقت میڈیا پر بے تحاشا پابندیاں اور قدغنیں ہیں، صحافیوں کی زباں بندی جاری ہے، حکومت سے اختلاف رکھنے والے کئی صحافی نوکریوں سے فارغ ہوچکے ہیں جبکہ بعض صحافی مقدمات کی زد میں ہیں تو کئی گرفتار ہوچکے ہیں۔
میڈیا پر تحریک انصاف پر بھی کئی پابندیاں عائد ہیں، تحریک انصاف کے اہم ایونٹس اور پریس کانفرنسز کو بلیک آؤٹ کردیا جاتا ہے جبکہ عمران خان کا نام اور تصویر چلانے پر پابندی ہے اور عمران خان کا نام لینے کی بجائے "بانی پی ٹی آئی" کہہ کر پکارا جاتا ہے۔
ایک نجی چینل پر میڈیا پر پابندیوں کا ذکر ہوا تو رؤف کلاسرا نے کہا کہ ہم تُن کر شو بھی کرتے ہیں اور پھر رولا بھی ڈال دیتے ہیں کہ ہمیں آزادی نہیں ہے ساری آزادیاں ہمیں ملی ہوئی ہیں آپ مجھے کوئی بندہ بتائیں جسے آپ اپنے پروگرام میں نہیں بلا سکتے ! رؤف کلاسرا ۔۔۔
صحافی عمران ریاض نے اس پر ردعمل دیا کہ مجھے بلا لیں سب پتہ چل جائے گا۔
اس پر رؤف کلاسرا نے ٹویٹ کیا کہ علی امین گنڈاپور کو بلالیں مگر بعدازاں ٹویٹ ڈیلیٹ کردیا
صحافی طارق متین نے رؤف کلاسرا کو جواب دیا کہ سر، عمران ریاض کو دوسرے نمبر پہ رکھیں پہلے ارشد شریف کی والدہ کی سپریم کورٹ والی درخواست شو میں پڑھ دیں اور ان کو سامنے بٹھا کر سوالات کریں اور “ تن کے “ شو کر دیں
واصف چوہدری کا کہنا تھا کہ آج تک سمجھ نہیں آئی کہ رؤف کلاسرا کو پی ٹی آئی نے ایسا کون سا وٹا مارا ہے کہ یہ بالکل ہی باولا ہو گیا ہے۔ اب تو اپنا بغض اور نفرت چھپانے کی بھی کوشش نہیں کرتا۔
عادل راجہ نے رؤف کلاسرا کو جواب دیا کہ اتنا ہی تن کر شو کرسکتے ہیں تو مجھے بلا کر دکھائیں پھر! سامنے جس مرضی کو بٹھا لیں۔۔۔ کھلا چیلینج ہے
سعید بلوچ نے تبصرہ کیا کہ رؤف کلاسرا صاحب کی حالت بھی اس متشدد ذہن رکھنے والے مولوی کی طرح ہے جو اپنے گرد دائرہ لگا کر دیگر کو دائرہ اسلام سے خارج قرار دے دیتا ہے۔
انہوں نے مزید کہا کہ کلاسرا صاحب سمجھتے ہیں کہ یہ اگر اپنے پروگرام میں کسی بھی بندے کو بلا سکتے ہیں تو اس سے ظاہر ہوتا ہے میڈیا آزاد ہے، لیکن یہ سوال خود سے نہیں پوچھتے کہ اپنے ٹاک شو میں عمران خان کا نام لینے، تصویر چلانے یا اس کی کوئی فوٹیج چلانے پر پابندی کیوں ہے جبکہ اس بابت کوئی عدالت حکم یا پابندی بھی نہیں۔
سعید بلوچ کا کہنا تھا کہ تجزیہ کار مخصوص ہیں، کون ایسا کرتا ہے؟، فہرست کہاں سے آتی ہے؟ عمران خان کے جلسے یا احتجاج کی کوریج نہیں ہوتی کون روکتا ہے؟
بلال رانا نے ردعمل دیا کہ مسٹر کلاسرا بندہ تو دور کی بات ھے تم ملک کی سب سے بڑی سیاسی جماعت کے لیڈر کا خالی نام بھی نہیں لے سکتے۔۔پھر دعوی کیسا۔
ذیشان نے کہا کہ مہرنگ بلوچ کو بلاسکتے ہیں؟ الطاف حسین سے بات کرسکتے ہیں؟ منظور پشتین کو بلا سکتے ہیں ؟ سب چھوڑیں عمران خان کا صرف نام بھی لے سکتے ہیں ؟
شاید کا کہنا تھا کہ ٹاؤٹ اتنی ہمت ہے تو عمران خان کا نام لو جو صحافی اغوا ہوتے ہیں انکو بلاؤ
- Featured Thumbs
- https://www.siasat.pk/data/files/s3/socialm11h2.jpg
