غیر ملکی خبر رساں ایجنسی کے مطابق ترکمانستان کے صدر قربان قلی بردی محمدوف نے ماہرین کو حکم دیا ہے کہ وہ 50 برس سے "جہنم کے دروازے" نامی گڑھے میں دہکتی آگ کو بجھانے کا کوئی راستہ نکالیں۔
ترکمانستان کے صدر نے حکام کو ہدایت کہ کہ قراکم صحرا کے وسط میں پائے جانے والے گڑھے میں گزشتہ 50 سال سے لگی آگ کو بجھایا جائے۔ اس سے ہم اپنے ملک میں قدرتی ذخائر کو نقصان پہنچا رہے ہیں جس کی وجہ سے ہم منافع کما سکتے ہیں لیکن وہ سب ضائع ہو رہا ہے۔
صدر قربان قلی بردی محمدوف نے اعتراف کیا کہ اس آگ کو بجھا کر جو معدنی ذخائر بچیں گے اس منافع سے کم کر ہم لوگوں کی زندگیاں بہتر کر سکتے ہیں۔ انسانوں کے ہاتھوں بننے والے اس گڑھے کی وجہ سے ماحول اور اردگرد رہنے والے لوگوں کی صحت پر بھی منفی اثرات مرتب ہو رہے ہیں۔
صدر ترکمانستان نے ہدایت دی ہے کہ ماہرین کوئی راستہ نکالیں تاکہ اس آگ کو بجھا کر اس سے ہونے والے موسمی اثرات اور دیگر نقصانات سے بچا جا سکے۔
یاد رہے کہ 1971 سے بننے والے اس گڑھے میں لگنے والی آگ کو بجھانے کی متعدد کوششیں کی جا چکی ہیں لیکن ابھی تک کوئی کامیابی حاصل نہیں ہوئی۔ اس گڑھے کی چوڑائی 70 میٹر اور گہرائی 20 میٹر ہو چکی ہے اور یہ اب یہ سیاحوں کے لیے ایک پرکشش جگہ بن چکا ہے۔
