سینئر صحافی و تجزیہ کار مبشر زیدی نے کہا ہے کہ رواں مالی سال کے دوران فی کس آمدنی میں بھی اضافہ ریکارڈ کیا گیا ہے۔
مائیکروبلاگنگ ویب سائٹ ٹویٹر پر اپنے بیان میں مبشر زیدی نے تحریک انصاف حکومت کے آخری مالی سال کے معاشی اعشاریے شیئر کیے جس کے مطابق پاکستان میں مالی سال 2021-22 کے دوران فی کس آمدنی بڑھ کر1ہزار798 ڈالر تک پہنچ گئی ہے۔
مبشر زیدی نے لکھا کہ مالی سال 2020-21 کے دوران فی کس آمدنی1ہزار676 ڈالر تھی، رواں مالی سال معیشت کا حجم بڑھ کر 383 بلین ڈالر تک پہنچ گیا ہے۔
مبشر زیدی کی جانب سے تحریک انصاف حکومت کی معاشی کارکردگی کے حوالے سے اس ٹویٹ کے جواب میں رہنما تحریک انصاف ڈاکٹر ارسلان خالد نے ردعمل دیتے ہوئے کہا کہ ایک مستحکم ہوتی ہوئی معیشت کو سازش کے تحت غیر مستحکم کردیا گیا ہے۔
انہوں نے مزید کہا کہ اس سازش کے نتیجے میں معیشت کو غیر مستحکم کرنے کے اقدام کا نتیجہ یہ نکلا ہے صرف 40 دن بعد زرمبادلہ کے ذخائر میں 6اعشاریہ5 بلین ڈالر کمی واقع ہوگئی ہے۔
ارسلان خالد نے کہا کملک میں معاشی سرمایہ کاری جو تیزی سے جاری تھی وہ رک چکی ہے، شہباز شریف کی حکومت میں صرف مراعات اٹھانے اور اپنے کیسز بند کروانے کیلئے آئی ہے۔
- Featured Thumbs
- https://www.siasat.pk/data/files/s3/2khanpercapitaincom.jpg
