گزشتہ روز بیرسٹر گوہر نے عمران خان سے ملاقات کی، انکا کہنا تھا کہ عمران خان کو مظاہرے، دیگر معاملات پر معلومات فراہم کی، بانی کو کچھ پتا نہیں تھا کہ کیا ہوا ہے۔ عمران خان کو رینجرز، پولیس اور پی ٹی آئی کے 12 شہداء کا بتایا۔
انہوں نے مزید کہا کہ مخالفین تفرقہ ڈال رہے ہیں، ہم سنگجانی میں تھے یا جہاں بھی تھے گولی نہیں چلنی چاہیے تھی۔
بیرسٹر گوہر نے کہا کہ ہمارا ڈی چوک آنا مقصد نہیں تھا، نہ پارٹی رہنماؤں کو ڈی چوک پہنچنے کا کہا گیا، لوگ صرف شہادتوں سے توجہ ہٹانے کیلئے سنگجانی اور ڈی چوک کی بات کر رہے ہیں۔
بیرسٹر گوہر کی اس ہومیو پیتھک پریس کانفرنس پر سوالات اٹھنے لگے، حسنین رفیق نے ردعمل دیا کہ عمران خان سے وہ تمام لوگ آج ملکر آئے ہیں جو ڈی چوک کے لیے نکلے ہی نہیں انھوں نے خاک سچ بتانا تھا عمران خان کو
سید ذیشان عزیز کا کہنا تھا کہ عمران خان اور اس کے مشن کے سب سے بڑے دشمن اسی کے اپنے ساتھی ہیں ، یہ لوگ آہستہ آہستہ عوام کا اعتماد اور اُمید دونوں ختم کرتے جا رہے ہی
صبیح کاظمی نے تبصرہ کیا کہ جس عمران خان کو ہم جانتے ہیں وہ بھی ایسا بیان نہیں دے سکتا جو ابھہ بیرسٹر صاحب فرما رہیں ہیں۔۔۔
سحرش مان نے طنز کیا کہ بیرسٹر گوہر فرما رہے ہیں خان صاحب نے کہا ہے سب اچھا ہے ۔ ایسے ملاقاتی رہے توحکومت کے لئے ستے خیراں
بشارت راجہ کا کہنا تھا کہ بیرسٹر گوہر کے ساتھ وکٹ کے دونوں اطراف کھیلنے والا چشمے پہنے علی محمد خان بھی تھا جو ہاتھ میں تسبیح لئے ہمہ وقت تیار رہتا ہے کہ درود پاک پڑھ کر جھوٹ بولا جائے
جمیل فاروقی نے ردعمل دیا کہ بیرسٹر گوہر کی پی ٹی آئی میں حیثیت ہی کیا ہے ؟ ڈھنگ سے ایک سوال کا جواب تو دے نہیں پاتا ، مجھے ایسا لگتا ہے کہ عمران خان کو حقائق کا پتہ ہی نہیں کہ کیا کچھ اب تک ہوچکا ہے
ثمینہ پاشا نے تبصرہ کیا کہ جس عمران خان نے ایک شہباز گل پر تشدد کے اوپر اتنا سخت موقف لیا، پوری ریلی نکالی ، خود لیڈ کیا اور الٹا اپنے اوپر دس اور مقدمے بنوا لئے وہ کارکنوں کی شہادت اور بر بریت کے واقعے پر ایساہومیو پیتھک ردعمل دے بات کچھ ہضم نہیں ہوتی
مقدس فاروق اعوان نے سوال اٹھایا کہ عمران خان نے کیا سوچ کر بیرسٹر گوہر کو چیئرمین پی ٹی آئی بنایا ؟
صدیق جان نے تبصرہ کیا کہ عمران خان سے آج تمام وہ رہنما ملے ہیں ،جن میں سے کوئی ایک بھی ڈی چوک نہیں پہنچا تھا ،بلکہ ڈی چوک کے لیے نکلا ہی نہیں تھا کیونکہ یہ سب تو 24 نومبر کی فائنل کال کے ہی خلاف تھے ،انہوں نے اصل حقائق خان کو بتائے بھی نہیں ہوں گے ، پریس کانفرنس سے صاف پتا چل رہا ہے کہ کیسی رپورٹ اندر دی گئی ہے ، اسی لیے اخبار بند کیا گیا تھا کہ جو یہ جا کر بتائیں ،خان کو وہی سچ لگے دلچسپ بات یہ ہے کہ آج ملنے والوں کا نام بھی کسی ایف آئی آر میں نہیں ہے
انورلودھی کا کہنا تھا کہ عمران خان کی سگی بہنوں کو ان سے ملنے کی اجازت نہیں دی جاتی لیکن بیرسٹر گوہر کو کھلی اجازت ہے، جب چاہتے ہیں ملتے ہیں.. اسکے پیچھے کیا منطق ہے؟
محمد عمیر نے تبصرہ کرتے ہوئے کہا کہ بیرسٹر گوہر کی آج کی پریس کانفرنس کافی مشکوک ہے۔پنجاب جہاں سے لوگ نہیں نکلے،وہاں کے اراکین کو شاباش دلوائی،خود ڈی چوک نہ آنے کے سوال کو تفرقہ قرار دیا اور کہاں وہاں جانا کوئی مقصد نہ تھا۔ ورکرز کی عیادت کے لیے ہسپتال نہ آنے کے سوال پر کہاں ہم مصروف تھے،گولی چلانے والوں پر بھی موقف نہیں دیا۔اہم بات یہ بھی کہ بیرسڑ گوہر چئیرمین ہیں ان پر کوئی مقدمہ نہیں ہے اور عمران خان سمیت دیگر تمام قیادت ہر پرچے میں نامزد ہے۔
- Featured Thumbs
- https://www.siasat.pk/data/files/s3/ikah1ih2h334.jpg
