آج عمران خان کی بہنوں علیمہ خان اور عظمیٰ خان کی عمران خان سے ملاقات نہ ہوسکی، دلچسپ بات یہ ہے کہ اڈیالہ جیل میں کیس کی سماعت ہوئی لیکن عمران خان کی فیملی کے لوگوں کو نہیں جانے دیا گیا۔
دلچسپ بات یہ ہے کہ عمران خان سے بیرسٹر گوہر، علی محمد خان نے ملاقات کی جو ڈی چوک احتجاج کے دوران نظر نہیں آئے جبکہ فیصل چوہدری اور علی ظفر کو عمران خان کا وکیل ہونیکی وجہ سے ملاقات کی اجازت مل سکی۔
علیمہ خان کا کہنا تھا کہ ڈیڑھ سال میں پہلی دفعہ ہوا ہے کہ کیس کی سماعت کے دوران سب کو جانے دیا لیکن فیملی کو جانے نہیں دیا۔
انہوں نے کہا کہ میں 5 گھنٹے سے اڈیالہ کے باہر موجود ہوں، وکلاء اور میڈیا کو اندر جانے دیا ہے، لیکن فیملی کو اجازت نہیں ملی۔ اُن کو یہی فکر ہورہی ہے کہ میں باہر آکر خان صاحب کا پیغام نہ دے دوں۔
عمران افضل راجہ نے تبصرہ کرتے ہوئے کہا کہ صرف سیاستدان بنے وکلا اور علی محمد خان کو عمران خان سے ملنے دیا گیا، بہنیں نہ مل سکیں
انہوں نے مزید کہا کہ “جیل ٹرائل کے نام پر خفیہ ٹرائل چلا کر دنیا کو بیوقوف بنانے کی کوشش کر رہے ہیںورنہ کہاں ہوتا ہے کہ ٹرائل پر فیملی کو نہیں جانے دیا جائے؟موجودہ ٹرائل دراصل ملٹری ٹرائل ہی ہے جہاں جج سے لے کر اٹارنیز اور گواہان تک مینیج کیے ہوئے ہیںسب فراڈ چل رہا ہے”۔
شفقت علی نے کہا کہ علیمہ خان کو ملاقات سے روک کر باہر کی اصل صورتحال اندر اور اندر کی اصل صورتحال باہر آنے سے روکا گیا ہے جانے والے بھوتیے تھے اس لئے انہیں سمجھا بجھا کر بھیجا گیا وہ رٹو طوطے ہیں
صدیق جان کا کہنا تھا کہ بہنیں پانچ گھنٹے باہر کھڑی رہیں لیکن نہیں ملنے دیا گیا ،بیرسٹر گوہر کو پورے پروٹوکول سے اڈیالہ کے اندر لے جایا گیا
- Featured Thumbs
- https://www.siasat.pk/data/files/s3/barrish123.jpg
Last edited by a moderator:
