سپریم کورٹ آف پاکستان میں آج سابق وزیراعظم ذوالفقار علی بھٹو کی پھانسی کے خلاف صدارتی ریفرنس پر سماعت ہوئی۔ ذوالفقار بھٹو صدارتی ریفرنس میں عدالت نے کمرہ عدالت میں فاروق نائیک کی یو ایس بی سے ویڈیو چلانے کی اجازت دے دی۔
عدالت کی طرف سے پیپلزپارٹی کے ذوالفقار بھٹو کیس میں یو ایس بی چلانے کی اجازت دیئے جانے اور تحریک انصاف کے لیول پلیئنگ فیلڈ کیس میں یو ایس بی نہ چلانے پر سوشل میڈیا صارفین کی طرف سے چیف جسٹس قاضی فائز عیسیٰ پر شدید تنقید کی جا رہی ہے۔
سینئر صحافی وتجزیہ کار جمیل فاروقی نے لکھا: مسئلہ وکیل کا نہیں مسئلہ دلیل کا ہے کیونکہ طاقت اور جہالت نہ تو کسی وکیل کو مانتے ہیں اور نہ ہی کسی دلیل کو ، اس لئے آپس میں لڑنے سے کچھ نہیں ہوگا!
سینئر صحافی سعید بلوچ نے لکھا: ذوالفقار بھٹو کیس اور لیول پلیئنگ فیلڈ کیس میں چیف جسٹس قاضی فائز عیسیٰ کا پیپلز پارٹی اور پی ٹی آئی وکلاء سے رویہ بالکل مختلف ہے، چیف جسٹس صاحب اتنا واضح تضاد کیوں؟
سوشل میڈیا انفلوئنسر شہربانو نے ردعمل میں لکھا: تخت طاؤس پر آبیٹھے ہیں دربان یہاں!
سینئر صحافی محمد عمیر نے لکھا: چیف جسٹس قاضی فائز عیسی کے تضادات! جو موجود نہیں اس کے خلاف بات نہیں سنوں گا پھر آر اوز کے حوالے سے لاہور ہائی کورٹ کا فیصلہ پٹیشنر کو نوٹس دئیے بغیر اڑا دیا۔ لیول پلینگ فیلڈ کے حوالے سے لطیف کھوسہ کو بطور ثبوت ویڈیو چلانے کی اجازت نہ دی مگر ذوالفقار بھٹو صدارتی ریفرنس میں اجازت دیدی۔
مزید کہا کہ آئین سپریم ہے مگر سادہ اکثریت سے آئینی ترامیم کو جائز قرار دیدیا! اسد طور اور مطیع اللہ جان کا اٹھایا جانا یاد ہے مگر عمران ریاض بارے کہا وہ کون ہے؟ اور تحریک انصاف نے زیادتیوں کی بات کی تو ازالہ کرنے کے بجائے کہا جب گرمی برداشت نہیں کرسکتے تو کچن میں کیوں کھڑے ہو؟ دھرنا کیس اور صدارتی ریفرنس کیس میں انصاف دینا یاد ہے مگر ارشد شریف کو انصاف بارے بات سننے سے انکاری ہیں۔
احمد وڑائچ نے اپنے ایکس (ٹوئٹر) میں لکھا: سپریم کورٹ میں دلچسپ صورتحال! بھٹو کیس میں فاروق نائیک نے USB دی، سابق چیف جسٹس نسیم حسن شاہ کے انٹرویو کا غیر متعلقہ حصہ چل گیا، چیف جسٹس قاضی فائز عیسیٰ نے فاروق نائیک کو کہا جیو سے آئے انٹرویو کی کاپی دیتے ہیں، انٹرویو سن کر اگلی سماعت پر متعلقہ حصے کی نشاندہی کریں۔پی ٹی آئی کے لیول پلیئنگ فیلڈ کیس میں وکیل لطیف کھوسہ نے کہا عدالت میں ویڈیو چلانا چاہتے ہیں، چیف جسٹس قاضی فائز عیسیٰ نے منع کر دیا۔
سینئر صحافی عمران ریاض نے احمد وڑائچ کے پیغام پر ردعمل میں لکھا: انصاف کی فراہمی کے بلند معیارات!
سجاد علی چیمہ نے لکھا: کھوسہ کو چاہیے 40انچ کا ٹی وی بھی اپنے ساتھ لے جائےتاکہ USBچلاسکے!
سینئر صحافی ظہیر احمد کاہلوں نے لکھا: لیول پلئینگ چل رہی۔۔ پھر کہتے صحیح سے بیٹھا نہیں جاتا!
نیہا ملک نے لکھا: عدالت میں بھی لیول پلینگ فلیڈ نہیں دے رہے اگلے!
ایک صارف نے لکھا: ان کو کورٹ میں لیول پلینگ فیلڈ نہیں مل رہی باہر کیا خاک ملے گی!۔۔؟
- Featured Thumbs
- https://www.siasat.pk/data/files/s3/8سچلعطعلپلےینگفعلد.png
